యూవీ క్రియేషన్స్ – గోపీకృష్ణా మూవీస్ బ్యానర్స్ సంయుక్తంగా భారీ బడ్జెట్ తో నిర్మిస్తున్న సినిమా రాధేశ్యాం. డార్లింగ్ ప్రభాస్ – పూజా హెగ్డే హీరో, హీరోయిన్స్ గా నటిస్తున్నారు. జిల్ ఫేం రాధాకృష్ణ దర్శకత్వంలో పిరియాడిక్ లవ్ స్టొరీ గా తెరకెక్కుతున్న ఈ సినిమా షూటింగ్ రీసెంట్ గా ఇటలీ కంప్లీట్ చేసుకొని వచ్చిన సంగతి తెలిసిందే. డిసెంబర్ ఫస్ట్ వీక్ నుంచి ఫైనల్ షెయూల్ మొదలవబోతోంది. ఈ షెడ్యూల్ తో సినిమా మొత్తం కంప్లీట్ అవుతుంది. కాగా ఈ సినిమాని కృష్ణం రాజు కుమార్తె ప్రశీద ఈ సినిమాతో నిర్మాణ రంగంలోకి అడుగుపెడుతుంది.
ఇక ఈ సినిమా తర్వాత బాలీవుడ్ దర్శకుడు ఓంరౌత్ దర్శకత్వంలో ఆదిపురుష్ 3డి సినిమాలో నటించబోతున్నాడు ప్రభాస్. టీసిరీస్ బ్యానర్ పై భూషన్ కుమార్ తోపాటు ఓం రౌత్ కలిసి నిర్మించనున్నారు. 3 డి యాక్షన్ డ్రామా గా తెరకెక్కబోతున్న ఈ సినిమాలో ప్రభాస్ శ్రీరాముడి పాత్రలో నటిస్తుండగా.. బాలీవుడ్ నటుడు సైఫ్ అలీ ఖాన్ లంకేష్ గా రావణుడి పాత్రలో కనిపించనున్న విషయం తెలిసిందే. కాగా ఈ సినిమా 2021 జనవరి నుంచి షూటింగ్ ప్రారంభం కాబోతోంది. ఈ నేపథ్యంలో త్వరలో అందరూ ఎంతో ఆసక్తిగా ఎదురు చూస్తున్న సీత గా నటించే హీరోయిన్ ని ప్రకటించబోతున్నట్టు సమాచారం.
కాగా ఈ సినిమా కొంత టాకీ పార్ట్ కంప్లీటయ్యాక నాగ్ అశ్విన్ దర్శకత్వంలో తెరకెక్కబోయో సినిమా షూటింగ్ లో జాయిన్ కాబోతున్నాడు. సైన్స్ ఫిక్షన్ బ్యాగ్ డ్రాప్ లో తెరకెక్కబోతున్న ఈ సినిమాని దాదాపు 500 కోట్ల భారీ బడ్జెట్ ప్రముఖ నిర్మాణ సంస్థ వైజయంతీ మూవీస్ ఎంతో ప్రతిష్టాత్మకంగా నిర్మించబోతుండగా ప్రముఖ సీనియర్ దర్శకులు సింగీతం శ్రీనివాస్ రావు గారు క్రియోటివ్ హెడ్ గా వ్యవహరిస్తున్నారు. అయితే ఇప్పుడు ఈ సినిమాలో నటిస్తున్న బాలీవుడ్ మెగాస్టార్ అమితాబ్ బచ్చన్ కి సంబంధించి ఒక న్యూస్ సోషల్ మీడియాలో చక్కర్లు కొడుతోంది.
ఈ సినిమాలో ముందు నుంచి అమితాబ్ గెస్ట్ రోల్ లో కనిపిస్తారన్న మాట వినిపించింది. కానీ తాజా సమాచారం ప్రకారం అమితాబ్ ది ఈ సినిమాలో ఫుల్ లెంగ్త్ క్యారెక్టర్ అని తెలుస్తోంది. ప్రభాస్ కి ధీటుగా అమితాబ్ క్యారెక్టర్ ఉంటుంది. ఇంచుమించు బాలీవుడ్ లో వచ్చిన థగ్స్ ఆఫ్ హిందుస్థాన్ సినిమాలో మాదిరిగా అమితాబ్ ఫైఋస్ కూడా చేస్తారని సమాచారం. మరి ఇది ఎంతవరకు నిజమో మేకర్స్ నుంచి క్లారిటీ వస్తేగాని నమ్మలేము. ఇక దీపిక పదుకొణె హీరోయిన్ గా నటిస్తున్న సంగతి తెలిసిందే.
