anand deverakonda : టాలీవుడ్ ఇండస్ట్రీలో స్టార్ గా పేరు సంపాదించుకున్న విజయ్ దేవరకొండ యూత్ లో ఏ హీరోకి లేనంత క్రేజ్ ని సంపాదించుకున్నాడని చెప్పవచ్చు. కెరియర్ మొదట్లో చిన్న చిన్న పాత్రలలో నటించి అర్జున్ రెడ్డి సినిమా ద్వారా అందరి మనసులను కొల్లగొట్టిన విజయ్ తర్వాత వరుస సినిమాలతో దూసుకుపోతున్నాడు. విజయ్ సినిమా వస్తుందంటే యూత్ లో ఎక్కడలేని సంతోషం ఉరకలేస్తుంది.ఈ విధంగా అతి తక్కువ కాలంలోనే మంచి గుర్తింపును సంపాదించుకున్న విజయ్ దేవరకొండ అండతో తన తమ్ముడు ఆనంద్ దేవరకొండ కూడా హీరోగా వెండితెరపై పరిచయమయ్యారు.
విజయ్ దేవరకొండ పూర్తిగా మాస్ సినిమాలను ఎంచుకొని అందులో నటిస్తూ ఎంతో మంది ప్రేక్షకులను సంపాదించుకున్నాడు కానీ ఆనంద్ దేవరకొండ మాత్రం తన అన్నకు ఇష్టంలేని పాత్రలను ఎంపిక చేసుకుంటున్నారు. ఆనంద్ దేవరకొండ మాత్రంతన బాడీ ఫిజిక్ కి సరిపడే కథలను ఎంపిక చేసుకొని నటిస్తున్నారు. ఈ నేపథ్యంలోనే దొరసాని సినిమా ద్వారా వెండితెరకు పరిచయమైన ఆనంద్ దేవరకొండ తన మొదటి సినిమా ప్రేక్షకులను ఆకట్టుకోలేకపోయింది. దీంతో ఆనంద్ దేవరకొండ మిడిల్ క్లాస్ మెలోడీ ద్వారా ప్రేక్షకుల ముందుకు వచ్చాడు. ఈసినిమా ఓటిటి లో విడుదలవ్వగా మంచి ప్రేక్షకాదరణ పొందింది.
తాజాగా ఆనంద్ దేవరకొండ తన మూడో సినిమాను డైరెక్టర్ కె.వి.గుహన్ తో చేయబోతున్నట్లు సమాచారం ఇప్పటికే ఈ చిత్రానికి సంబంధించిన స్క్రిప్ట్ కు సంబంధించిన పనులు జరుగుతున్నాయి. ఆనంద్ దేవరకొండ హీరోగా ఈ సినిమాను ప్రముఖ నిర్మాత డి.సురేష్ బాబు తెరకెక్కించనున్నారు.స్క్రిప్ట్ పనులు పూర్తయితే ఈ చిత్రం గురించి త్వరలోనే అధికారిక ప్రకటన వెలువడనుంది. దీన్ని బట్టి చూస్తే కథల ఎంపిక విషయంలో ఆనంద్ దేవరకొండ మాత్రం దేవరకొండ అసలు ఫాలో అవ్వడం లేదని తెలుస్తోందనీ చెప్పవచ్చు.ఇక సినిమాల విషయానికొస్తే విజయ్ దేవరకొండ ప్రస్తుతం డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో లైగర్ సినిమాలో నటిస్తున్నారు. బాక్సింగ్ నేపథ్యంలో తెరకెక్కుతున్న ఈ సినిమా పోస్టర్ విజయ్ అభిమానులను ఎంతగానో ఆకట్టుకుంది.
