ప్రముఖ నటుడు విజయ్ దేవరకొండకు యూత్లో ఉన్నంత క్రేజ్ మిగితా ఏ హీరోకి లేదని నిస్సందేహంగా చెప్పొచ్చు. ఈరోజు తెలుగు రాష్ట్రాల్లో ఇదే యువతని అడిగినా చాలావరకు తమ క్రష్ విజయ్ అనే చెబుతారు అంటే అతిశయోక్తి కాదు. సామాన్య యువతులే కాదు బాలీవుడ్ సెలబ్రెటీలు కూడా విజయ్ తో డేటింగ్ కి వెళ్లడానికి సై అంటున్నారు. ‘అర్జున్ రెడ్డి’ సినిమా తర్వాత అతని దశ దిశ తిరిగిపోయింది. డియర్ కామ్రేడ్ గీతాగోవిందం వంటి సినిమాలతో ను అతను అభిమానుల మనసులు దోచేశాడు. ఈ సూపర్ హిట్ సినిమాలతో ప్రేక్షకులు మాత్రమే కాకుండా సెలబ్రిటీల్లో సైతం చాలామంది విజయ్ కి ఫ్యాన్స్ అయిపోయారు.
ఆ షోలో పాల్గొని సందడి చేసిన రౌడీ బాయ్
ఇప్పటివరకు టాలీవుడ్ హీరోగా ఉన్న ఈ రౌడీ బాయ్ లైగర్ సినిమాతో పాన్ ఇండియా స్టార్ మారనున్నాడు. ఈ మూవీ ఆగస్ట్ 25న తెలుగు, తమిళం, మలయాళం, కన్నడ భాషలలో రిలీజ్ కానుంది. ప్రస్తుతం విజయ్ ‘లైగర్’ సినిమా ప్రమోషన్స్ లో బిజీగా ఉన్నాడు. ఇటీవల ‘కాఫీ విత్ కరణ్’ అనే ఓ ప్రముఖ హిందీ టాక్ షోలో ఒక లేటెస్ట్ ఎపిసోడ్ లో ఈ హీరో పాల్గొన్నాడు. లైగర్ మూవీ హీరోయిన్ అనన్య కూడా ఈ ఎపిసోడ్కి విచ్చేసింది. ఇందులో వీరిద్దరూ కూడా అనేక విషయాల గురించి మాట్లాడుతూ సందడి చేసారు. ఈ ఎపిసోడ్ సంబంధించిన ప్రోమో తాజాగా సోషల్ మీడియాలో ప్రత్యక్షమై ఇప్పుడు నెట్టింట వైరల్ అవుతోంది.
లైన్ వేయడం ఆపాలని అనన్యకు ఝలక్!
అందులో అనన్యను విజయ్ తెలుగులో రిక్వెస్ట్ చేస్తూ కనిపించాడు.”అనన్య నువ్వు చాలా అందమైన అమ్మాయివి… అయినా కూడా నువ్వు నాకు లైన్ వేయడం ఆపేయ్ ప్లీజ్ ” అంటూ తెలుగులో క్యూట్ గా రిక్వెస్ట్ చేశాడు. అనన్య అందుకు బదులిస్తూ మళ్ళీ అడుగు అని విజయ్ ని కోరుతుంది. వీరిద్దరి మధ్యలో కరణ్ కల్పించుకుని విజయ్ నిన్ను క్యూట్ అని చెపుతున్నాడు, కానీ ఫ్లర్టు చేయడం ఆపమని అంటున్నాడు అని చెప్పుకొచ్చాడు. దీనికి సంబంధించిన ప్రోమో ఇప్పుడు వైరల్ అవుతుంది.