యాంకర్ లాస్య గురించి ప్రత్యేకంగా మాట్లాడుకోవాల్సిన అవసరం లేదు. బిగ్ బాస్ హౌస్ లోకి వెళ్లకముందే ఆమె యాంకర్ గా ఫేమస్ అయింది. తర్వాత పెళ్లి చేసుకొని ఇండస్ట్రీకి బ్రేక్ ఇచ్చింది. ఆ తర్వాత మళ్లీ తన సెకండ్ కెరీర్ ను బిగ్ బాస్ షోతో ప్రారంభించింది. మళ్లీ తెలుగు ప్రేక్షకులకు దగ్గరయింది.
తనకు ఒక యూట్యూబ్ అకౌంట్ కూడా ఉంది. లక్షల సంఖ్యలో సబ్ స్క్రైబర్లు కూడా ఉన్నారు తన యూట్యూబ్ చానెల్ కు. అప్పుడప్పుడు తన వంటల వీడియోలు, ఇతర వీడియోలు సోషల్ మీడియాలో పెడుతుంటుంది లాస్య.
బిగ్ బాస్ హౌస్ నుంచి వచ్చాక ఎక్కువగా లాస్య తన యూట్యూబ్ చానెల్ మీదనే దృష్టి పెట్టింది. ప్రతి రోజూ ఏదో ఒక వీడియోను పోస్ట్ చేస్తుండేది. అయితే సడెన్ గా తన యూట్యూబ్ అకౌంట్ లాస్య టాక్స్ హ్యాక్ కు గురయింది.
ఆ చానెల్ కు 8 లక్షలపైన సబ్ స్క్రైబర్లు ఉన్నారు. యూట్యూబ్ లో తన చానెల్ సడెన్ గా కనిపించకుండా పోయింది. అంతకుముందు.. తన చానెల్ లో లైవ్ ప్రోగ్రామ్ వచ్చింది. ఆ తర్వాత చానెల్ యూట్యూబ్ లో కనిపించలేదు. దీంతో తన యూట్యూబ్ చానెల్ హ్యాక్ అయిందని లాస్యకు కూడా తెలిసింది.
వెంటనే తన టెక్ టీమ్ మళ్లీ చానెల్ ను వెనక్కి తీసుకొచ్చేందుకు తీవ్రంగా ప్రయత్నిస్తున్నారు. లాస్య టాక్స్ యూట్యూబ్ చానెల్ హ్యాక్ అయిందని తెలుసుకున్న నెటిజన్లు.. వెంటనే లాస్యకు ఇన్ స్టాగ్రామ్, ఫేస్ బుక్ లో మెసేజ్ లు పెట్టడం ప్రారంభించారు. దీంతో వెంటనే ఫేస్ బుక్ లైవ్ లోకి వచ్చిన లాస్య.. తన అకౌంట్ హ్యాక్ అయినట్టు నిన్ననే తెలిసిందని.. దాన్ని మళ్లీ వెనక్కి తీసుకొస్తామని.. మళ్లీ మరిన్ని వీడియోలను మీముందుకు వస్తామంటూ లాస్య వీడియోలో తెలిపింది.
