యాంకర్ ప్రదీప్.. ప్రస్తుతం ఎంటర్ టైన్ మెంట్ చానెళ్లలో ఏ షో చేయాలన్నా… యాంకర్ గా మొదటగా గుర్తొచ్చే వ్యక్తి. ప్రదీప్ కు యాంకర్ గా ఎంత డిమాండ్ ఉందో అందరికీ తెలుసు. ప్రదీప్ ఏ షోలో ఉన్నా.. ఆ షోలో వినోదానికి డోకా ఉండదు. ఆయన అందరినీ ఎప్పుడూ హుషారుగా ఉంచడం కోసం హోస్ట్ తో పాటుగా వినోదం కూడా పంచుతుంటాడు.
ఇక.. యాంకర్ ప్రదీప్ ప్రస్తుతం ఈటీవీ ఢీ షోలో యాంకర్ గా వ్యవహరిస్తున్న విషయం తెలిసిందే. మరోవైపు జీతెలుగులో సరిగమప షోకు కూడా యాంకర్ గా వ్యవహరిస్తున్నాడు.
రెండు చానెళ్లలో యాంకర్ గా రాణించడం అనేది నిజంగా గొప్ప విషయం. దాన్ని చేసి చూపిస్తున్నాడు ప్రదీప్. ఇటీవల ఓ ఎపిసోడ్ లో ప్రదీప్ నా క్రష్ అని తన మనసులో మాట బయటపెట్టింది ఢీ షో జడ్జి పూర్ణ. పూర్ణతో ప్రదీప్ క్లోజ్ గానే ఉంటాడు. దీంతో యాంకర్ ప్రదీప్ పూర్ణతో బాగానే పులిహోర కలుపుతున్నాడు.. అంటూ వార్తలు వచ్చాయి.
మరోవైపు ఇంకో ట్రాక్ ను కూడా ప్రదీప్ నడిపిస్తున్నాడట. సరిగమప ప్రోగ్రాంలో గ్రాండ్ జ్యూరీ మెంటర్లలో హారిక నారాయణ్ తో ప్రదీప్ పులిహోర కలుపుతున్నాడు.. అని సోషల్ మీడియాలో వార్తలు హల్ చల్ చేస్తున్నాయి.
హారిక నారాయణ్..ప్లేబ్యాక్ సింగర్ తో పాటు.. సినిమాల్లోనూ నటించింది. తను ఇప్పుడు సరిగమప ప్రోగ్రాంకు మెంటర్ గా వ్యవహరిస్తోంది.
సరిగమప షో ఇటీవలే ప్రారంభం అయింది. మొదటి ఎపిసోడ్ లో అంతగా గమనించలేదు.. అంటూ హారికకు పులిహోర కలపబోయాడు ప్రదీప్. వామ్మో.. ప్రదీప్.. అటు ఢీషోలో.. ఇటు సరిగమప షోలో పులిహోర బాగానే కలుపుతున్నాడే.. అంటూ సోషల్ మీడియా కోడై కూస్తోంది.
