సుడిగాలి సుధీర్, రష్మీ జంటకు ఉన్న క్రేజ్ మామూలుది కాదు. బుల్లితెర మీద ఆ జంటే టాప్. వాళ్లిద్దరు ఏ షోలో ఉంటే ఆ షో టీఆర్పీ గ్రాఫ్ పెరిగిపోతుంది. అంత కెమిస్ట్రీ ఉంది వాళ్లిద్దరి మధ్య. నిజానికి వాళ్లిద్దరూ ప్రేమలో ఉన్నారని.. ఒకరంటే ఒకరికి ఇష్టమని వార్తలు కూడా వస్తూనే ఉన్నాయి. స్కిట్ మధ్యలో సుధీర్ ఎన్నోసార్లు రష్మీకి ప్రపోజ్ చేసినా.. రష్మీ కూడా చిరునవ్వు చిందిస్తుంది తప్పితే కొప్పడదు. అది చాలదా.. వాళ్లిద్దరి మధ్య ఉన్న ప్రేమ గురించి అని నెటిజన్లు అంటున్నా… రష్మీకి వేరే వ్యక్తితో పెళ్లి సెట్ అయిందని… ఇక సుడిగాలి సుధీర్… రష్మీని వదిలేసుకోవాల్సిందేనని కూడా వార్తలు వచ్చాయి. వాటిపై రష్మీ మాత్రం ఎలాంటి ప్రకటన చేయలేదు. వాటిని ఖండించలేదు కూడా.
ఏది ఏమైనా.. వీళ్లిద్దరి మధ్య ఉన్న బాండ్ మాత్రం అలాగే పెరుగుతూ పోతోంది. తాజాగా సుడిగాలి సుధీర్ స్కిట్ లో మరోసారి సుధీర్ పై బీభత్సమైన పంచ్ వేసింది రష్మీ. అడవి కాన్సెప్ట్ తో స్కిట్ చేశాడు సుడిగాలి సుధీర్. అడవిలో ఉన్న ఏ జంతువులను వదలొద్దు. జంతువుల చర్మాలు, దంతాలు అన్నీ పట్టుకెళ్లిపోదాం.. అని ఆటో రామ్ ప్రసాద్.. సుధీర్ తో చెబుతాడు.
వెంటనే సుధీర్ అందుకొని.. అవును… ఏ జంతువునూ వదలను.. అన్నింటినీ ఏసేస్తా.. అంటూ సుధీర్ అనేసరికి.. రష్మీ వెంటనే జంతువులన్నీ నీ మాట విని ఎప్పుడో వెళ్లిపోయి ఉంటాయి అంటూ సూపర్ పంచ్ వేస్తుంది. దాంతో సెట్ లో మొత్తం నవ్వులే నవ్వులు.
అడవి సెటప్ తో సుడిగాలి సుధీర్ చేసిన స్కిట్ ను మీరు కూడా చూసేయండి మరి..
