సింగర్ హారికా నారాయణ్ తెలుసు కదా. తను ఫేమస్ సింగర్. అందంగానూ ఉంటుంది. ఈ మధ్య తను ఏ షోకు వెళ్లినా.. అందరి చూపు తనవైపే ఉంటోంది. ఇప్పటికే ఓసారి యాంకర్ ప్రదీప్ ఓ షోలో తనకు లైన్ వేయడానికి ప్రయత్నించాడు. ఇప్పుడు యాంకర్ రవి వంతు వచ్చింది. కానీ.. యాంకర్ రవిని షోలో అందరి ముందు బుక్ చేసేసింది హారికా నారాయణ్.
ఇంతకీ ఏం జరిగిందంటే.. జీ తెలుగులో కొత్తగా జీ ఎంటర్ టైన్ మెంట్ లీగ్ 2020 అనే షో ప్రారంభం కాబోతున్నది కదా. అక్టోబర్ 11న ఈ షో ప్రారంభం కాబోతున్నది. ఈ షోను ప్రేక్షకులకు ఎంటర్ టైన్ మెంట్ అందించేందుకు తీసుకొచ్చారు. ఇప్పటికే జీ తెలుగులో బొమ్మ అదిరింది అనే కామెడీ షోను ప్రారంభించిన సంగతి తెలిసిందే. తాజాగా.. జీ ఎంటర్ టైన్ మెంట్ లీగ్ 2020ని ప్రారంభిస్తున్నారు.
ఈ షోలో యాంకర్లుగా రవి, శ్యామల వ్యవహరిస్తుండగా.. జడ్జిగా రేణు దేశాయ్ వ్యవహరించనున్నారు. అయితే.. ఈ షోకు సింగర్ హారికా నారాయణ్ రాగా.. ఆమె పాట పాడిన తర్వాత.. యాంకర్ రవి తన దగ్గరకు వెళ్లి.. తనతో నీలి నీలి ఆకాశం పాటకు స్టెప్పులేశాడు. అంతే కాదు.. తన కో యాంకర్ ప్రదీప్ పై సెటైర్ కూడా వేశాడు.
ప్రదీప్ ఎన్నిసార్లు ట్రై చేసినా హారికా వచ్చి ప్రదీప్ తో స్టెప్ వేయలేదు. కానీ.. నేను అడగ్గానే నాతో స్టెప్ వేసిందంటే నేను ఎంత స్పెషల్ తనకు.. అంటూ హారికను ఫ్లర్ట్ చేయబోయాడు యాంకర్ రవి. ఇంతలోనే రవికి దిమ్మతిరిగే కౌంటర్ ఇచ్చింది హారిక.
అది కాదు అన్నయ్య.. అని హారిక అనగానే యాంకర్ రవి పరువు మొత్తం ఒక్కసారిగా పోయినట్టయింది. అయితే.. ఇదంతా ఫన్ కే అనుకోండి.. ఏదో సరదాగా వాళ్లు అలా చేశారు. కాసేపు సెట్ లో నవ్వులు పూయించడానికి.
దానికి సంబంధించిన ప్రోమోను తాజాగా విడుదల చేశారు.
https://www.youtube.com/watch?v=om5tZGilF80