ESI కుంభకోణంలో అరెస్టైన మాజీ మంత్రి అచ్చెన్నాయుడు కుటుంబసభ్యులను నారా లోకేష్ ఇటీవల పరామర్శించడం జరిగింది. ఈ సందర్భంగా ఆయన మీడియాతో మాట్లాడుతూ అసెంబ్లీలో అచ్చెన్నాయుడు బాహుబలి లాంటి వాడని..అధికార పార్టీ అచ్చెన్నాయుడు ని రాజకీయాలలో మరియు అసెంబ్లీలో ఎదుర్కోలేక ఈ విధంగా తప్పుడు కేసులు పెట్టి ఇబ్బందుల పాలు చేస్తున్నట్లు సంచలన వ్యాఖ్యలు చేశారు. ఈ సందర్భంలో తన తండ్రి మరియు తాను కూడా అచ్చెన్నాయుడు చేసే పోరాటానికి సాటి రాము అన్నట్టుగా అచ్చెన్నాయుడు బాహుబలి లాటివాడు అని వ్యాఖ్యలు చేయడం జరిగింది. ఇదే టైం లో వైసిపి పార్టీ కాలకేయ బ్యాచ్ అని వైయస్ జగన్ కాలకేయుడు అన్న రీతిలో లోకేష్ అచ్చెన్నాయుడు కుటుంబ సభ్యులతో మాట్లాడిన తర్వాత మీడియా ముందు కామెంట్లు చేయడం జరిగింది.
దీంతో లోకేష్ వ్యాఖ్యలు విని వైసీపీ పార్టీకి చెందిన నాయకులు కూడా కౌంటర్లు వేశారు. అసలు జనం దృష్టిలో బాహుబలి అంటే వైయస్ జగనే అని దేవాదాయ శాఖ మంత్రివర్యులు వెల్లంపల్లి శ్రీనివాస్ చెప్పుకొచ్చారు. మీది కాలకేయుల బ్యాచ్ కాబట్టి ఏపీ ప్రజలు గత సార్వత్రిక ఎన్నికలలో ఓడించారు అని సెటైర్లు వేశారు. అయితే ఈ బాహుబలి వ్యాఖ్యలు వింటున్న చాలామంది వైసిపి పార్టీ మద్దతుదారులు నారా లోకేష్ కి సెటైర్లు వేస్తున్నారు. స్కాం లో ఇరుక్కున్న అచ్చెన్నాయుడు కట్టప్ప లాగా మీ తండ్రికి గాని మీకు గాని వెన్నుపోటు పొడవ కుండ విచారణలో ఉండేలా చూసుకోండి అంటూ చురకలు అంటిస్తూ ఉన్నారు. ఏ మాత్రం విచారణలో మీ పేర్లు బయటకు వస్తే కట్టప్ప కత్తి బాహుబలి సినిమాలో ప్రభాస్ కి దిగితే, ESI స్కాం లో ఎవరికి దిగుతుందో అంటూ కౌంటర్లు వేస్తున్నారు.
