RRR : ఆర్.ఆర్.ఆర్ సినిమాలో మరో హీరోయిన్ కూడా నటించబోతుందా.. ఆ హీరో ఎవరు.. ఏ హీరోతో నటించబోతోంది.. ఇదే ఇప్పుడు కొత్తగా మొదలైన టాక్. రామ్ చరణ్ – ఎన్టీఆర్ హీరోలుగా దర్శక ధీరుడు ఎస్ ఎస్ రాజమౌళి తెరకెక్కిస్తున్న భారీ మల్టీ స్టారర్ ఆర్.ఆర్.ఆర్. ప్రముఖ నిర్మాత డీవీవీ దానయ్య డీవీ ఎంటర్‌టైనమెంట్స్ బ్యానర్ పై దాదాపు 400 కోట్ల భారీ బడ్జెట్ తో ఈ సినిమాని నిర్మిస్తున్న సంగతి తెలిసిందే. రామ్ చరణ్ – ఎన్టీఆర్ పోరాట యోధులుగా కనిపించబోతున్నారు.
మన్యం వీరుడు అల్లూరి సీతారామరాజుగా చరణ్, కొమరం భీం గా ఎన్టీఆర్ నటిస్తున్న ఈ సినిమాలో చరణ్ కి జంటగా బాలీవుడ్ స్టార్ హీరోయిన్ ఆలియా భట్, ఎన్టీఆర్ కి జంటగా ఓలివియా మోరీస్ నటిస్తున్న సంగతి తెలిసిందే. ఇటీవలే ఈ సినిమా నుంచి ఆలియా భట్ లుక్ ని రిలీజ్ చేశారు. సీతగా ఆలియా లుక్ ఎంతో బావుందని కామెంట్స్ వచ్చాయి. కాగా ఈ సినిమాలో ఎన్టీఆర్ పాత్రకి మరో హీరోయిన్ ఉన్నట్టు లేటెస్ట్ న్యూస్ ఒకటొ వచ్చి హాట్ టాపిక్ అవుతోంది.
RRR : ఆర్.ఆర్.ఆర్ సినిమాలో ఐశ్వర్య రాజేష్..?
ఎన్టీఆర్ ని ప్రేమించే ఒక గిరిజన యువతి పాత్ర ఉండగా ఆ పాత్రకి ఐశ్వర్య రాజేష్ ని తీసుకోవాలన్న ఆలోచనలో రాజమౌళి ఉన్నట్టు సమాచారం. ఈ పాత్ర కాస్త చిన్నదే అయినా సినిమాలో చాలా ఇంపార్టెంటెన్స్ ఉంటుందని తెలుస్తోంది. చూడాలి మరి నిజంగా ఈ క్యారెక్టర్ ఉందా లేదా.. ఉంటే ఐశ్వర్య రాజేష్ నే ఎంచుకుంటారా. ఇక ఈ సినిమా అక్టోబర్ 13న ప్రపంచ వ్యాప్తంగా అన్నీ ప్రధాన భాషల్లో రిలీజ్ చేయబోతున్నారు. ఎం.ఎం.కీరవాణి సంగీతం అందిస్తున్నారు.
