ప్రస్తుతం తెలుగు రాష్ట్రాల్లో ఎక్కడ చూసినా బిగ్ బాస్ ఫీవర్ నడుస్తోంది. ఎక్కడ చూసినా బిగ్ బాస్ గురించే చర్చ. ఈ వారం ఎవరు వెళ్తారు? ఎవరు ఉంటారు? ఎవరు గెలుస్తారు? ఇవే ముచ్చట్లు. షో ప్రారంభం అయిన మొదట్లో అంతగా ప్రేక్షకులను ఆకట్టుకోనప్పటికీ.. రాను రాను షో రసవత్తరంగా మారుతోంది. బిగ్ బాస్ ఇచ్చే టాస్కులు కానీ… హౌస్ లో నడిచే ప్రేమ కథలు కానీ.. గొడవలు కానీ.. షోను ఎక్కడికో తీసుకు వెళ్తున్నాయి.
హిందీ బిగ్ బాస్ కన్నా కూడా తెలుగు బిగ్ బాస్ షోకే ఎక్కువ రేటింగ్స్, ఓట్లు వస్తున్నాయంటే… బిగ్ బాస్ 4వ సీజన్ ఎంత సూపర్ సక్సెస్ అయిందో తెలుస్తోంది.
ఇప్పటికే హౌస్ లో ఇద్దరు కమెడియన్స్ ఉన్నారు. ఒకరు కుమార్ సాయి కాగా.. మరొకరు ముక్కు అవినాష్. అవినాష్ స్వతహాగా కామెడీ పండించగలడు కాబట్టి.. జబర్దస్త్ షోలోనూ కామెడీ స్కిట్లు చేస్తాడు కాబట్టి.. అవినాష్ తన కామెడీతో షోను ఎక్కడికో తీసుకెళ్తున్నాడు. కానీ.. కుమార్ సాయి.. అంతగా ఆకట్టుకోవడం లేదు. దీంతో షోలో కామెడీ డోస్ పెంచాలన్న ఉద్దేశంతో బిగ్ బాస్ యాజమాన్యం.. మరో జబర్దస్త్ కమెడియన్ ను వైల్డ్ కార్డ్ ద్వారా ఎంట్రీ ఇప్పిస్తున్నారట.
అయితే.. ఆ కమెడియన్ ఎవరు అనేది తెలియనప్పటికీ.. ఈ వారమే ఆ కమెడియన్ ను అవినాష్ కు పోటీగా దించే యోచనలో బిగ్ బాస్ నిర్వాహకులు ఉన్నారట. ఇప్పటికే.. అవినాష్ పండించే కామెడీ హెల్దీగానే ఉంటోంది. దీంతో మరో జబర్దస్త్ నటుడిని దించితే ఇక హౌస్ లో నవ్వులే నవ్వులు ఉంటాయని భావించి ఇంకో కమెడియన్ దించుతున్నట్టు సమాచారం.
