అమరావతి : ఐపీఎస్‌ అధికారి ఏబీ వెంకటేశ్వరరావుపై రాష్ట్ర ప్రభుత్వం విధించిన సస్పెన్షన్ ను హైకోర్టు ఎత్తివేసింది. క్యాట్ ఉత్తర్వులను న్యాయస్థానం పక్కనపెట్టింది. వెంకటేశ్వరరావు రిట్ పిటీషన్‌ను పరిగణలోకి తీసుకున్న ధర్మాసనం నేడు కీలక ఆదేశాలు ఇచ్చింది. సస్పెన్షన్ కాలానికి సంబందించిన జీతభత్యాలను కూడా చెల్లించాలని హైకోర్టు స్పష్టం చేసింది.
ఈ ఏడాది ఫిబ్రవరి 8న వైసీపీ ప్రభుత్వం వెంకటేశ్వరరావుపై సస్పెన్షన్ వేటు వేసింది. ఆయన నిబంధనలు అతిక్రమించి నిర్ణయాలు తీసుకోవటంపై ప్రభుత్వం విధుల్లో నుంచి తొలగించింది. భద్రతా పరికరాలు కొనుగోలులో అక్రమాలకు పాల్పడ్డారని అభియోగంపై చర్యలు తీసుకున్నది ప్రభుత్వం. సస్పెన్షన్‌పై ఆయన క్యాట్‌ను ఆశ్రయించినా ఫలితం దక్కలేదు. ఆయన పిటిషన్‌ను క్యాట్ కొట్టివేసింది. టీడీపీ ప్రభుత్వంలో వెంకటేశ్వరరావు విజయవాడ కమిషనర్‌గా, ఇంటెలిజెన్స్ ఛీప్‌గా బాధ్యతలు నిర్వహించారు.
