AP High Court: ఏపి ప్రభుత్వానికి హైకోర్టు మరో షాక్ ఇచ్చింది. పంచాయతీ సర్పంచ్‌లు, కార్యదర్శుల అధికారులను వీఆర్ఓలకు అప్పగిస్తూ జారీ చేసిన జీవో నెం.2 ను హైకోర్టు సస్పెండ్ చేసింది. ప్రభుత్వం జారీ చేసిన జీవో నెం.2ను సవాల్ చేస్తూ గుంటూరు జిల్లా తురకపాలెం సర్పంచ్ కృష్ణమోహన్ దాఖలు చేసిన పిటిషన్ పై హైకోర్టులో సోమవారం విచారణ జరిగింది. పిటిషన్ తరపున సీనియర్ న్యాయవాది నర్రా శ్రీనివాస్ వాదనలు వినిపించారు. పంచాయతీ సర్పంచ్ ల అధికారాలను వీఆర్ఒలకు ఎలా ఇస్తారని హైకోర్టు ప్రశ్నించింది. ఇప్పటి వరకూ సర్పంచ్ లు, కార్యదర్శుల ఆధ్వర్యంలో జరిగిన పాలనను విఆర్ఓలకు అప్పగించడమేమిటని హైకోర్టు ప్రశ్నించింది.
Read More: Padma Awards: కొత్త సంప్రదాయానికి తెరతీసిన ప్రధాని మోడీ..! ఇదీ మోడీ మార్క్..!!
ఇంతకు ముందు గ్రామ పంచాయతీ, గ్రామ సచివాలయం పరిధిలోని ఉద్యోగులు, సిబ్బందిపై అధికారం సర్పంచ్ లు, గ్రామ కార్యదర్శులపై ఉండగా కొద్ది నెలల క్రితం గ్రామ సచివాలయంలో కొందరు ఉద్యోగులకు డీడీఓగా విఆర్ఓలకు అధికారం కల్పిస్తూ ప్రభుత్వం జివో విడుదల చేసింది. దీంతో కొందరు గ్రామ పంచాయతీ ఉద్యోగులకు డీడీఓగా విఆర్ఓ ఉండటంతో వీరు రెవెన్యూ కంట్రోల్ లోకి వెళ్లే పరిస్థితి ఏర్పడింది. ఈ ఉద్యోగులపై గ్రామ పంచాయతీ, కార్యదర్శులకు ఎటువంటి అధికారం ఉండదు. ప్రభుత్వం తీసుకున్న ఈ తాజా నిర్ణయం రెవెన్యూ, పంచాయతీ రాజ్ ఉద్యోగుల మధ్య వివాదానికి కారణం అయ్యింది. కాగా హైకోర్టు తాజా తీర్పుతో ప్రభుత్వం ఏ విధంగా స్పందిస్తుందో వేచి చూడాలి.
