అన్ని రాష్ట్రాలు ఒక దారిలో వెళ్తే.. ఏపీ మాత్రం ఇంకో దారిలో అవుతోంది. యంగ్ అండ్ డైనమిక్ సీఎం జగన్.. ఏపీని సరికొత్త రాష్ట్రంగా తీర్చిదిద్దుతున్నారు. సరికొత్త పథకాలు, సరికొత్త ఐడియాలతో ఏపీని దేశంలోనే నెంబర్ వన్ రాష్ట్రంగా తీర్చిదిద్దుతున్నారు.
ప్రజలకు సులువైన పాలన అందించాలన్న సదుద్దేశంతో సీఎం జగన్ ఎన్నో రకాల సేవలను ప్రారంభిస్తున్నారు. దానిలో భాగంగానే ప్రజలకు పోలీసు సేవలు పారదర్శకంగా ఉండాలని, సులభంగా ఉండాలని ఏపీ పోలీస్ సేవ అనే యాప్ ను ప్రారంభించారు.
పోలీసులంటే వాళ్లను చూసి భయపడటం అవసరం లేదు.. వారు ప్రజా సేవకులు.. వాళ్ల సేవలు ప్రతి ఒక్కరికి అందుబాటులో రావడం కోసం రూపొందించిందే ఏపీ పోలీస్ సేవ యాప్ అని సీఎం తెలిపారు.
ఏపీలో ఉన్న ప్రతి ఒక్కరు ఈ యాప్ ను డౌన్ లోన్ చేసుకొని.. పోలీసులకు సంబంధించిన సేవలన్నింటినీ సులభంగా పొందాలని సీఎం జగన్ సూచించారు.
ఈ యాప్ ను డౌన్ లోన్ చేసుకుంటే.. పోలీస్ స్టేషన్ కు వెళ్లాల్సిన అవసరం ఉండదు. ఏదైనా కేసుకు సంబంధించిన దర్యాప్తు, దాని స్టాటస్, అరెస్ట్ లు, ఎఫ్ఐఆర్, సెక్యూరిటీ, ఎన్ ఓసీలు, వెరిఫికేషన్లు, పాస్ పోర్ట్ సేవ, ఇలాంటి 87 రకాల సేవలను ఈ యాప్ ద్వారా పొందే అవకాశం ఉంటుంది.
దేశంలోనే ఇటువంటి యాప్ తొలిసారి ఏపీలో ప్రారంభించారు. 87 రకాల సేవల ద్వారా ఏపీలోని ప్రతి వ్యక్తి పోలీస్ స్టేషన్ కు వెళ్లాల్సిన అవసరం లేకుండా.. పోలీసుల సేవలను ఉపయోగించుకోవచ్చు.
ఇంకెందుకు ఆలస్యం.. వెంటనే ఈ యాప్ ను డౌన్ లోన్ చేసుకోండి..
