Apple: ఎక్కువ మంది అనారోగ్యంకు గురైన సమయంలోనో లేక ఆరోగ్యంపై శ్రద్దతోనో ఆపిల్స్ తీసుకుంటుంటారు. ఆపిల్స్ ఆరోగ్యానికి ఎంతో మేలు చేస్తాయి. అయితే ఆపిల్స్ మ‌న‌కు ఎంత మేలు చేస్తుందో దాని విత్త‌నాలు మాత్రం మ‌న‌కు తెలియ‌కుండానే హాని చేస్తాయి. అవి మన ఆరోగ్యాన్నివిష పూరితం చేస్తాయి. పోషకాలతో సమృద్ధమైన ఈ ఆపిల్స్ యాంటీ ఆక్సిడెంట్స్ కలిగి ఉండటం వల్ల, మన శరీరాన్ని ప్రాణాంతక వైరస్ ల నుంచి, అంటే క్యాన్సర్‌ని ప్రేరేపించే ఆక్సిడైజేషన్లతో సహా, వివిధ ఆరోగ్య సమస్యలకు కారణమయ్యే వాటి నుంచి మిమ్మల్ని కాపాడుతుంది. ఆపిల్ లోపల కేంద్ర భాగంలో ఉండే నల్లని గింజలు మన ఆరోగ్యానికి చాలా న‌ష్టాన్ని చేకూరుస్తాయి. మనలో చాలామంది అనుకోకుండా ఒకటి రెండు గింజలను నమిలేస్తూ ఉంటారు. ఈ ఆపిల్ గింజలలో అమిగ్డాలిన్ అని పిలువబడే ఒక పదార్థాన్ని కలిగి ఉంటాయి, ఇది మానవ జీర్ణ ఎంజైమ్లతో ప్రతి చర్య చెందిన వెంటనే సైనైడ్ ను విడుదల చేస్తుంది.
ఆపిల్ విత్త‌నాల‌ను తిన్న త‌ర్వాత సైనైడ్ మన జీర్ణ వ్య‌వ‌స్థ‌పై అనేక ప్రతి కూల ప్ర‌భావాల‌ను చూపిస్తుంది. ఈ ఆపిల్ గింజలను ఎక్కువ మోతాదులో తీసుకుంటే జరిగే ప్రమాదం చాలా తీవ్రంగా ఉంటుంది. చిన్న ఆపిల్స్ కలిగి ఉండే గింజలలో కనిపించే అమిగ్దాలిన్ అనేవి కూడా ఒక రకమైన సైనైడ్స్. ఈ గింజలు ఎక్కువగా రోజ్ కుటుంబానికి చెందిన పండ్లలో అంటే నేరేడు, బాదం, ఆపిల్, పీచ్ మరియు చెర్రీస్ లలో కలిగి ఉంటుంది. ఈ అమిగ్దాలిన్ సమ్మేళనం అనేది చిన్న గింజల లోపల, దాని రసాయన రక్షణ నిలయంలో భాగంగా ఉంటుంది. కాబ‌ట్టి సైనైడ్ ఉన్న పండుని తింటే మన ఆరోగ్యం ప్రమాదంలో పడినట్లేనని అని తెలుసుకోవాలి. శరీరం సైనైడ్ కు గురైనప్పుడు, అది మెదడును, హృదయాన్ని దెబ్బతీస్తుంది. కావున ఆపిల్ తినే వాళ్లు తప్పనిసరిగా వాటిలోని గింజలను తీసేసి తినడం మంచిదని చెబుతున్నారు.
