Apsara rani : అప్సర రాణి .. అంతక ముందు రెండు సినిమాలు చేసినప్పటికి అంతగా ఎవరికీ తెలీదు. కాని ఎప్పుడైతే ఆర్జీవీ అప్సర రాణి అయిందో ఒక్కసారిగా పాపులర్ అయింది. ఆర్జీవీ తీసిన రెండు ఏటీటీ సినిమాలలో నటించి ఓవర్ నైట్ స్టార్ హీరోయిన్ అంత క్రేజ్ తెచ్చుకుంది. ఆర్జీవీ తీసుకొచ్చిన క్రేజ్ తో ఏకంగా మాస్ మహారాజ రవితేజ పక్క స్టెప్పులేసే ఛాన్స్ అందుకుంది. గోపీచంద్ మలినేని దర్శకత్వం లో రవితేజ – శృతిహాసన్ జంటగా నటించిన క్రాక్ సినిమాలో అప్సర రాణి ఐటెం సాంగ్ చేసింది.
ఈ సాంగ్ థియేటర్స్ లో జనాలని ఊపేసింది. ‘ బూమ్ బద్దల్ ‘ అంటూ అప్సర రాణి రవితేజ స్టెప్పులేసిన ఈ సాంగ్ సూపర్ హిట్ గా నిలిచింది. సినిమా రిలీజ్ కి ముందే ఈ సాంగ్ జనాలలోకి ముఖ్యంగా మాస్ ఆడియన్స్ ని బాగా ఆకట్టుకుంది. ఇక సాంగ్ లో అప్సర రాణి డాన్స్ హాట్ పర్ఫార్మెన్స్ తో విపరీతంగా అట్రాక్ట్ చేసింది. ఈ సాంగ్ చూసిన ప్రతీ ఒక్కరు కొంతకాలం అప్సర రాణి టాలీవుడ్ లో ఐటెం సాంగ్స్ కి కేరాఫ్ అడ్రస్ గా మారుతుందని చెప్పుకున్నారు. అన్నట్టుగానే ఇప్పుడు టాలీవుడ్ లో తెరకెక్కుతున్న కొన్ని సినిమాలలో ఐటెం సాంగ్ ఉంటే మేకర్స్ ముందు అప్సర రాణి పేరునే పరిశీలిస్తున్నారట.
Apsara rani : అప్సరరాణి పేరు కన్ఫర్మ్ చేసాడు సంపత్ నంది.
ఈ క్రమంలోనే ఇప్పుడు మరో స్పెషల్ సాంగ్ లో స్టెప్పులేసే ఆఫర్ వచ్చిందని తాజా సమాచారం. సంపత్ నంది దర్శకత్వంలో గోపీచంద్ – తమన్నా జంటగా సీటీమార్ అన్న సినిమా తెరకెక్కుతోంది. ఈ సినిమాలో గోపీచంద్ తమన్నాలు కబడ్డీ కోచ్ లుగా నటిస్తున్నారు. షూటింగ్ పూర్తి అయిన ఈ సినిమాలో కేవలం ఓ ఐటమ్ సాంగ్ మిగిలి ఉందని సమాచారం. ఈ సాంగ్ కోసం అప్సర రాణి తీసుకున్నారట. త్వరలో ఈ సాంగ్ షూటింగ్ జరగబోతున్నట్టి తెలుస్తోంది. విషయాన్ని తాజాగా ట్విట్టర్ వేదికగా పఠాకా రాణి అంటూ అప్సరరాణి పేరు కన్ఫర్మ్ చేసాడు. ఈ సినిమాకు మణిశర్మ సంగీతం అందిస్తున్నాడు.
