ప్రస్తుతం గోపీచంద్ మలినేని – మాస్ మహారాజా రవితేజ కాంబినేషన్ లో రూపొందుతున్న హ్యాట్రిక్ సినిమా ‘క్రాక్’. ఒంగోలులో జరిగిన ఒక యాదార్థ సంఘటన ఆధారంగా గోపీచంద్ మలినేని ఈ సినిమాని తెరకెక్కిస్తున్నాడు. శృతిహాసన్ ఈ సినిమాతో చాలాకాలం తర్వాత మళ్ళీ టాలీవుడ్ కి రీ ఎంట్రీ ఇస్తోంది. గత కొంతకాలంగా వరస ఫ్లాపులతో ఉన్న రవితేజ ఈ సినిమా మీద చాలా నమ్మకాలు పెట్టుకున్నాడు.
లాక్ డౌన్ కారణంగా 7 నెలల తర్వాత ఇటీవలే హైదరాబాద్ లో ‘క్రాక్’ తిరిగి ప్రారంభమైంది. ఈ సినిమా ఫైనల్ షెడ్యూల్ లో శరవేగంగా చిత్రీకరణ జరుపుతుంది. అయితే ఈ సినిమాలో ఒక ఐటం సాంగ్ ఉన్న విషయం మేకర్స్ ముందు నుంచి చెప్పుకొస్తున్నారు. ఈ సాంగ్ కోసం ఒక స్టార్ హీరోయిన్ ని తీసుకోబోతున్నట్టు వార్తలు వచ్చాయి. అంతేకాదు బాలీవుడ్ బ్యూటీని తీసుకు రాబోతున్నట్టు చెప్పుకొచ్చారు. కాగా ఈ సినిమాలోని ఐటెమ్ సాంగ్ కోసం ఆర్జీవి ఓవర్ నైట్ స్టార్ ని చేసిన బ్యూటి తీసుకున్నారు.
ప్రస్తుతం ఈ సాంగ్ ని షూట్ చేస్తున్నట్లు స్వయంగా చిత్ర యూనిట్ వెల్లడించారు. ఈ సాంగ్ లో రవితేజ పక్కన ఆర్జీవి ద్వారా ఫేమస్ అయిన అప్సరా రాణి స్టెప్పులేస్తుంది. మ్యూజిక్ డైరెక్టర్ ఎస్ ఎస్ థమన్ కంపోజ్ చేసిన ఈ మాస్ ఐటెం సాంగ్ కి ప్రముఖ కొరియోగ్రాఫర్ జానీ మాస్టర్ కొరియోగ్రఫీ అందిస్తున్నారు. ఈ సాంగ్ కి సంబంధించిన మేకింగ్ పిక్ ఒకటి సోషల్ మీడియాలో వైరల్ అవుతోంది.
ఇక అప్సరా రాణి ఆర్జీవీ రూపొందించిన ‘థ్రిల్లర్’, ‘లెస్బియన్’ సినిమాలో నటించిన సంగతి తెలిసిందే. ఇప్పుడు ‘క్రాక్’ లో ఐటెం సాంగ్ హిట్ అయితే అప్సర రాణి కెరీర్ పీక్స్ కి వెళ్ళడం ఖాయం అంటున్నారు. మొత్తానికి ఆర్జీవీ అప్సరా రాణి కి ప్రామిస్ చేసినట్టుగా స్టార్ స్టేటస్ ని తెచ్చిపెట్టాడు. దాన్ని నిలుపుకునే బాధ్యత మాత్రం హాట్ బ్యూటీ అప్సరా రాణి దే. ఇక ఈ సినిమాలో వరలక్ష్మీ శరత్ కుమార్ – సముద్రఖని కీలక పాత్రల్లో నటిస్తున్నారు.
