ఇప్పటి వరకు అక్కినేని అఖిల్ నటించిన మూడు సినిమాలు అఖిల్, హలో, మిస్టర్ మజ్ను సినిమాలు పెద్దగా ప్రేక్షకాధరణ పొందలేకపోయాయి. దీంతో వరుస పరాజయాలతో సతమతమవుతున్నాడు అఖిల్. కొడుకు హిట్ కొట్టడం చూడాలని తాపత్రయ పడుతున్న అక్కినేని నాగార్జున అఖిల్ కెరీర్‌ పై ప్రత్యేక శ్రద్ధ చూపిస్తున్నారు. ఎంతో హ్యాండ్‌సమ్‌గా ఉండే అఖిల్ కు ఒక్క హిట్టు కూడా లేకపోవడంతో…నాగార్జున ఫ్యాన్స్ కూడా తెగ పీలవుతున్నారని ఇండస్ట్రీ టాక్. అఖిల్‌కి మాస్ ఇమేజ్ కావాలని అక్కినేని ఫ్యాన్స్ ఒత్తిడి చేస్తున్నారన్న వార్తలు వినిపిస్తున్నారు.
ఇప్పటి వరకు చేసిన సినిమాల్లో దాదాపుగా లవర్ బాయ్‌గా నే కనిపించాడు అఖిల్. అంతేకాదు ప్రస్తుతం బొమ్మరిల్లు భాస్కర్ దర్శకత్వంలో చేస్తున్న మోస్ట్ ఎలిజిబుల్ బ్యాచిలర్ లోనూ లవర్‌బాయ్‌గానే కనిపించనున్నారు. ఈ లుక్ వర్కౌట్ కావట్లేదని భావించారో ఏమో గాని నాగార్జున అఖిల్ లుక్‌ను పూర్తిగా మార్చేందుకు ప్రయత్నం చేస్తున్నారట. అఖిల్ అక్కినేని రఫ్‌ లుక్‌లో కనిపించేందుకు సిద్ధమవుతున్నాడని ఇండస్ట్రీ వర్గాల టాక్. జిమ్ములో కసరత్తులు చేస్తూ….తనను తాను మార్చుకునే ప్రయత్నం చేస్తున్నాడని తెలుస్తోంది.
ఇప్పటి వరకు క్యూట్‌ లుక్స్‌ తో అమ్మాయిల మజ్ను అయిన అఖిల్ …మాస్ మసాలా సినిమా చేసేందుకు రెడీ అవుతున్నాడు. అఖిల్ 5వ సినిమ పూర్తి మాస్ ఎంటర్‌టైనర్ అని మేకర్స్ ముందు నుంచి చెప్పుకొస్తున్నారు. ఈ సినిమాను క్రేజీ డైరెక్టర్ సురేందర్ రెడ్డి తెరకెక్కించబోతున్నాడు. ప్రస్తుతం చేస్తున్న మోస్ట్ ఎలిజిబుల్ బ్యాచిలర్ సినిమా పూర్తి కాగానే…కొత్త సంవత్సరంలో ఈ క్రేజీ ప్రాజెక్టు షూటింగ్ ప్రారంభం కానుంది. ఈ సినిమాతో అయినా తన ఇమేజ్‌ను మార్చేసుకోవాలని…ఫిజిక్ విషయంలోనే కాదు లుక్ లోనూ కొత్తగా కనిపించడానికి బాగా ట్రై చేస్తున్నాడు. అయితే మాస్ ఇమేజ్ కోసం ట్రై చేసి చైతూ ఫేయిలయ్యాడు. మరి సక్సస్ అవుతాడా లేదా చూడాలి.
