తెలుగు చలన చిత్ర చరిత్రలో 2020 ఇండస్ట్రీకి చేదు అనుభవాన్నే మిగిల్చిందా ..అవుననే ఔంటున్నారు సినీ ప్రముఖులు. కరోనా వైరస్ కారణంగా స్థంభించి పోయిన చిత్ర పరిశ్రమ రోజూ వారీ కూలీ దగ్గర్నుంచి స్టార్ ప్రొడ్యూసర్స్ వరకు అనుభవించిన కష్టాలు అన్నీ ఇన్నీ కావు. ఇక ఈ 2020లో టాలీవుడ్ నుండి ఒక్క స్టార్ హీరో మూవీ కూడా విడుదల అయ్యే అవకాశాలు ఎంత మాత్రం కనిపించడం లేదు. ఎన్టీఆర్, చరణ్ ల ఆర్ ఆర్ ఆర్ 2021 అఫీషియల్ గా పోస్ట్ పోన్ అయిన సంగతి తెలిసిందే. అయితే అనుకున్న ప్రకారం జనవరికి ఆర్ ఆర్ ఆర్ రిలీజ్ కావడం మాత్రం అసాధ్యం అంటున్నారు.
ఇక యంగ్ రెబల్ స్టార్ ప్రభాస్ పూజా హెగ్డేల రాధే శ్యామ్, బన్నీ – సుకుమార్ – రష్మిక మందన్న ల పుష్ప కూడా సమ్మర్ అన్న టాక్ ఉంది. ఇక సూపర్ స్టార్ 2020 ప్రారంభంలోనే సరిలేరు నీకెవ్వరు సినిమాతో బ్లాక్ బస్టర్ అందుకున్నాడు. ఈ ఇయర్ ఎండింగ్ లో మరో సూపర్ హిట్ కొట్టాలనుకున్నాడు. కాని ప్రస్తుతం నెలకొన్న పరిస్థితుల మూలంగా మహేష్ కొత్త సినిమా సర్కారు వారి పాట ఇంకా మొదలు పెట్టలేదు. ఇక ఈ సంవత్సరం చిరంజీవి – కొరటాల శివ ల ఆచార్య వచ్చి రికార్డ్ ల గురించి చెప్పుకుంటారనుకుంటే ఆ అవకాశం కూడా లేదు.
ఇక రి ఎంట్రీ ఇచ్చిన పవన్ కళ్యాణ్ 2020లో తన వకీల్ సాబ్ తో వస్తాడనుకున్నారు. కాని ఆయన కూడా ఈ సంవత్సరం రావడం లేదని అర్థమవుతుంది. ఈ రకంగా చూస్తుంటే టాలీవుడ్ స్టార్ హీరోల నుంచి ఏ ఒక్క సినిమా కూడా ఈ సంవత్సరం రిలీజ్ అయ్యే ఛాన్స్ లేదని క్లియర్ గా అర్థమవుతుంది. ఇక చిన్న సినిమాల సంగతి సరే సరి. వాటిలో కొన్ని రిలీజ్ అయితే ఓటీటీలో రిలీజ్ కావచ్చు.
