Salaar : సలార్ ..పాన్ ఇండియన్ స్టార్ ప్రభాస్ – పాన్ ఇండియన్ డైరెక్టర్ ప్రశాంత్ నీల్ కాంబినేషన్లో తెరకెక్కుతున్న భారీ యాక్షన్ ఎంటర్టైనర్. ఈ సినిమా విషయంలో ప్రభాస్ ఫ్యాన్స్ రగిలిపోతున్నారట. సినిమాకి సంబంధించిన ఏ చిన్న విషయం లీకైన దర్శక, నిర్మాతలు తీవ్రంగా నష్టపోతారు. అభిమానులు హర్ట్ అవుతారు. లీక్ రాయుళ్ళతో గత కొన్నేళ్ళుగా టాలీవుడ్ సినిమాలు ఏకంగా అరగంట సినిమా బయటకి లీక్ చేస్తున్నారు. అత్తారింటికి దారేది సినిమా నుంచి ఇదీ మరీ ఎక్కువైంది. బాహుబలి, విషయంలో కూడా ఇలానే జరిగింది. ఇదంతా ఎవరు చేస్తున్నారనేది పక్కాగా కనిపెట్టడం పెద్ద కష్టం కాదు. కానీ మన మేకర్స్ కనిపెట్టినా మళ్ళీ మామూలే అయిపోతుంది.
ప్రభాస్ సలార్ షూటింగ్ మొదలైనప్పటినుంచి లీకులు మొదలయ్యాయి. ఈ సలార్ సినిమాను ఏమాత్రం అంచనాలు తగ్గకుండా తెరకెక్కిస్తున్నారు. ఈ నమ్మకం ఇండస్ట్రీ వర్గాలలోనూ బలంగా ఉంది. ఇక సలార్ సినిమా లోని యాక్షన్ సన్నివేశాలు కేజీఎఫ్ 2 సినిమాను మించి హై రేంజ్ లో ఉంటాయని ఇప్పటికే ఒక క్లారిటీ వచ్చేసింది. ఈ సినిమా నుంచి ప్రభాస్ కి సంబంధించిన ఫస్ట్ లుక్ ఇప్పటికే వచ్చేసింది. కాగా తాజాగా సలార్ లో ప్రభాస్ మరో లుక్ కూడా బయటకు వచ్చింది. అయితే ఇప్పుడు వచ్చిన ఫొటో చిత్ర బృందం అధికారికంగా విడుదల చేసింది కాదు.
Salaar : యూనిట్ సభ్యుల్లో ఎవరో ఒకరు రివీల్ చేసి ఉంటారని తెలుస్తోంది.
సలార్ సినిమాకు ఉన్న క్రేజ్ కారణంగా ఈ పిక్ ని యూనిట్ సభ్యుల్లో ఎవరో ఒకరు రివీల్ చేసి ఉంటారని తెలుస్తోంది. ఇంతక ముందే ప్రభాస్ బైక్ మీద వెళ్తున్న ఓ వీడియో లీక్ అయిన సంగతి తెలిసిందే. వెంటనే ఆ వీడియోను చిత్ర యూనిట్ సభ్యులు డిలీట్ చేయించారు. మళ్లీ ఇప్పుడు ఒక ఫొటో లీక్ అవ్వడంతో డార్లింగ్ ఫ్యాన్స్ హర్ట్ అవుతున్నారు. మేకర్స్ జాగ్రత్తలు తీసుకోకుండా ఉంటే ఎలా అని గుర్రుగా ఉన్నారట. ఒకరకంగా దర్శకుడుకి రిక్వెస్ట్ పెడుతూనే ఉన్నారు. అలాగే కొందరు ఫీలవుతూ ట్రోల్ కూడా చేస్తున్నారట. మరి ఈ లీకులు ఎప్పుడు ఆగుతాయో. ఇక ఇందులో శృతి హాసన్ హీరోయిన్ గా నటిస్తోంది. ప్రభాస్ ఈ సినిమా షూటింగ్ తో పాటు ఆదిపురుష్ షూటింగ్ లో కూడా పాల్గొంటున్నాడు.