పాన్ ఇండియన్ స్టార్ హీరో ప్రభాస్ .. అది ఇప్పుడు. కాని హీరో కాక ముందు ప్రభాస్ పెదనాన్న రెబల్ స్టార్ కృష్ణం రాజు టాలీవుడ్ సీనియర్ స్టార్ హీరో. వాళ్ళకే గోపికృష్ణ మూవీస్ అన్న సొంత బ్యానర్. తలుచుకుంటే ప్రభాస్ హీరో అవ్వాలనుకోవడం..ప్రభాస్ ని పెదనాన్న కృష్ణం రాజు హీరో చెయ్యాలనుకోవడం పెద్ద కష్టం కాదు. కాని ఏ రోజూ ప్రభాస్ హీరో అవ్వాలనుకోలేదు. అయితే ఒక కాఫీ షాప్ ప్రభాస్ కెరీర్ ని డిసైడ్ చేసి పాన్ ఇండియన్ స్టార్ చేసిందంటే ఏ ఒక్కరు నమ్మరు.
అందుకు కారణం ప్రభాస్ నటించిన మొదటి సినిమా ఈశ్వర్. కె.అశోక్ కుమార్ నిర్మాతగా.. జయంత్ సి.పారాన్జీ దర్శకత్వంలో ఈశ్వర్ సినిమా సన్నాహాలు జరుగుతున్నాయి. ఎంతమందిని అనుకున్నా హీరో ఫైనల్ కావడం లేదు. అప్పటికే చాలామందిని చూశారు దర్శక నిర్మాతలు. ఒక రోజు దర్శకుడు జయంత్ సి.పారాన్జీ ప్రభాస్ ని కాఫీ షాప్ లో చూశాడు. అంతే ఆయనకి అక్కడే హీరో దొరికేశాడు. మైండ్ లో దర్శకుడు తీయాలనుకున్న ఇంట్రడక్షన్ షాట్స్ పడిపోయాయి. అప్పుడే మైండ్ లో ప్రభాస్ ని “ఈశ్వర్” సినిమాలో హీరోగా ఫిక్సైపోయాడు.
ఘనంగా సినిమాని ప్రారంభించారు. ప్రభాస్ కి ముందు నుంచి స్నేహితులు చాలా తక్కువ. బంధువుల్లోను ఎక్కువగా కలవలేదు. సిగ్గెక్కువ..జనాలు ఎక్కువగా ఉంటే పెద్దగా మాట్లాడడు. దానికి తోడు..ఆ కటౌట్. ఎవరైనా తన పక్కన నిలుచుంటే తలెత్తి చూడాల్సిందే. అందుకే కొందరు ప్రభాస్ హైట్ గురించి కాస్త నెగిటివ్ గా కామెంట్ చేశారు. ఇండస్ట్రీలో హీరోగా ఉండాలంటే హుషారుగా ఉండాలి..డాన్సులు చేయాలి..ఇలా రక రకాల కామెంట్స్. ఈ లోపే మూడవ సినిమా వర్షం. ప్రభాస్ ఏంటో ఇండస్ట్రీ మొత్తం తెలిసిపోయింది.
వర్షం లాంటి భారీ హిట్ తో ప్రభాస్ పేరు మీద కొత్త రికార్డలు క్రియోటయ్యాయి. పెదనాన్న రెబల్ స్టార్ కృష్ణం రాజు అయితే ఆయనకి ధీటుగా ఇండస్ట్రీలో “యంగ్ రెబల్ స్టార్” అన్న బిరుదు సాధించాడు. ఇది చూసి ప్రభాస్ పెదనాన్న పొందిన ఆనందం మాటల్లో చెప్పలేనిది. మిర్చి సినిమాలో ఉన్న డైలాగ్..” కటౌట్ చూసి కొన్ని కొన్ని నమ్మేయాలి డ్యూడ్” ..ఇది ఒక్క ప్రభాస్ కి తప్ప మరెవరికీ సూటవదంటే నమ్మి తీరాల్సిందే.
ఇక ప్రభాస్ రాజమౌళి దర్శకత్వంలో వచ్చిన బాహుబలి ఫ్రాంఛైజీతో పాన్ ఇండియా స్టార్ గా ఎదిగిన సంగతి తెలిసిందే. ఈ స్టార్ డం వస్తుందని పెదనాన్న కృష్ణం రాజు తో పాటు ఇండస్ట్రీలో తనని కామెంట్ చేసిన వాళ్ళు గాని, మరే ఒక్కరు ఊహించలేదు. అలాంటిది ఇప్పుడు ప్రభాస్ మార్కెట్ ని ఎవరూ అంచనా వేయలేకపోతున్నారు. ప్రపంచ వ్యాప్తంగా ప్రభాస్ కి ఉన్న క్రేజ్ మరే సౌత్ స్టార్ కి లేదన్న విషయం ఒప్పుకొని తీరాల్సిందే. ప్రస్తుతం ప్రభాస్ చేస్తున్న మూడు సినిమాల బడ్జెట్ 1000 కోట్లు పైనే. అప్పుడు ప్రభాస్ హైట్ గురించి కామెంట్ చేసిన వాళ్ళు ఇప్పుడు ప్రభాస్ ని కన్నెత్తి చూడాలన్నా.. ఆ పేరు తలుచుకోవాలన్న దమ్ము, ధైర్యం చాలడం లేదట.