బిగ్ బాస్ హౌస్ లో అరియానా ఆడుతున్న గేమ్ బయట ప్రేక్షకులను ఎంతగానో ఆకట్టుకుంటుంది. ఒక విధంగా చెప్పాలంటే గత సీజన్ లో శివ జ్యోతి ఏ విధంగా రాణించిందో అరియానా కూడా అదే విధంగా రాణిస్తుంది అని బయట డిస్కషన్ లు జరుగుతున్నాయి. బిగ్ బాస్ ఉమెన్ వారియర్ అని అరియానా కి జనాలు బయట పేరు పెట్టారు. ముక్కు సూటిగా తన మనసులో ఉన్నది చెప్పేస్తూ చాలా ఫైయిర్ గేమ్ ఆడుతోంది అని జనాలు చెప్పుకుంటున్నారు.
ఇదే క్రమంలో హౌస్ లో మిగతా కంటెస్టెంట్ లు అభిజిత్, నోయల్, ఇంకా మిగతా ఇంటి సభ్యులు కూడా అరియానా ఆటను పొగుడుతున్నారు. ఇదిలా ఉండగా తాజాగా నైట్ అవుట్ పార్టీ ఎపిసోడ్ లో తోటి కంటెస్టెంట్ అయినా అఖిల్ పై అరియానా వేసిన డైలాగులు బయట ప్రేక్షకులను ఎంతగానో షాక్ కి గురిచేశాయి. ఈ టాస్క్ లో కొత్తగా పెళ్లైన అమ్మాయిగా నటించమని అఖిల్కు అరియానా టాస్క్ ఇచ్చింది.
అఖిల్ అమ్మాయిలా ముగ్గు వేస్తుంటే పక్కింటి అబ్బాయిగా హారిక లైనేసింది. అదే సమయంలో భర్త అరియానా కాఫీ ఇవ్వమని కేకేయడంతో పరుగు పరుగున వెళ్లి కాఫీ ఇచ్చాడు. అరియానా అతడిని దగ్గరకు తీసుకుని ముద్దు పెట్టుకున్నట్లు నటించింది. ఆఫీసుకు వెళ్తున్నా.. సాయంత్రం మల్లెపూలు తేనా అని అడుగుతూనే అమ్మ పడుకున్నాక సినిమాకు వెళ్దాం.. నీ అందం అందరూ చూస్తే నేను తట్టుకోలేను అంటూ పాత్రలో లీనమైపోయింది.