అరియానా గ్లోరీ.. నిజానికి బిగ్ బాస్ కంటే ముందు ఈమె గురించి బయట తెలిసిందంటే దానికి కారణం ఆర్జీవీ. రామ్ గోపాల్ వర్మ ఇంటర్వ్యూ తీసుకున్న సమయంలో.. అరియానా ఇంటర్వ్యూ చేసే విధానం నచ్చిన ఆర్జీవీ.. అరియానాను తెగ పొగిడారు. అప్పట్లో ఆ వార్త సోషల్ మీడియాలో తెగ హల్ చల్ చేయడంతో.. అరియానా గ్లోరీ రాత్రికి రాత్రే బిగ్ సెలబ్రిటీ అయిపోయింది.
ఆ తర్వాత తనకు బిగ్ బాస్ ఆఫర్ రావడం.. తను అందులోకి వెళ్లడం.. అన్ని రోజులు అక్కడ ఉండటం చకచకా జరిగిపోయాయి. టాప్ 4 లో అరియానా నిలిచింది. తను ఇంత సక్సెస్ అయింది.. అంటే దానికి కారణం ఖచ్చితంగా ఆర్జీవీనే.
ఆ విషయాన్ని అరియానా కూడా ఒప్పుకుంటుంది. రీసెంట్ గా ఓ యూట్యూబ్ చానెల్ కు ఇచ్చిన ఇంటర్వ్యూలోనూ అరియానా అదే విషయం చెప్పుకొచ్చింది. ఆర్జీవీ నన్ను లైమ్ లైట్ లోకి తీసుకొచ్చారు. నన్ను అభినందించడం వల్లనే నా గురించి అందరికీ తెలిసింది. ఆయన సినిమాలో చాన్స్ ఇస్తానన్నా నాకు ఓకే. స్క్రిప్ట్ నచ్చితే ఖచ్చితంగా చేస్తా. ఇప్పటి వరక సన్నీ లియోన్ కోసమే బిగ్ బాస్ చూసిన ఆర్జీవీ.. తాజాగా నాకోసం బిగ్ బాస్ 4 సీజన్ చూడటం నాకు చాలా హ్యాపీగా అనిపించింది. ఆర్జీవీకి నేను ఎంతో రుణపడి ఉంటా.. అంటూ ఇంటర్వ్యూలో చెప్పుకొచ్చింది అరియానా.
