అరియానా.. ముక్కుసూటి మనిషి. ఏదైనా కుండబద్ధలు కొట్టినట్టు మాట్లాడుతుంది. అదే ఆమెకు కొన్నిసార్లు ప్లస్ అవుతోంది.. మరికొన్ని సార్లు మైనస్ అవుతోంది. అరియానాకు హౌస్ లో ఉన్న ఫ్రెండ్స్ అంటే అమ్మ రాజశేఖర్, అవినాష్.
అమ్మ రాజశేఖర్ గత వారమే హౌస్ నుంచి బయటికి వెళ్లిపోయారు. దీంతో అవినాష్ తో తనకు ఎక్కువగా బంధం ఏర్పడింది. తనతోనే ఎక్కువగా గడుపుతోంది అరియానా. వాళ్లిద్దరి మధ్య ఏముందో తెలియదు కానీ.. ఇద్దరు మాత్రం చాలా క్లోజ్ గా ఉంటారు.
అయితే.. శనివారం ఎపిసోడ్ లో నాగార్జున దీపావళి సందర్భంగా చిచ్చుబుడ్డి ఎవరు.. ఆటంబాంబ్ ఎవరు చెప్పాలంటూ అందరు కంటెస్టెంట్లను కోరుతారు. అయితే అరియానా మాత్రం అవినాష్ ఆటంబాంబ్ అని.. చూస్తే బక్కగా ఉంటాడు కానీ.. టాస్కులు ఇరగదీస్తాడని చెప్పుకొచ్చింది. అంతే కాదు.. దొంగమొహమోడు.. అంటూ బిరుదు కూడా ఇచ్చింది మనోడికి.
ఎందుకంటే.. మొన్న రాత్రి టాస్క్ లో తననే పంపించాలని.. అరియానా స్ట్రాంగ్ అంటూ చెప్పాడని అరియానా చెప్పుకొచ్చింది. అవును.. నువ్వు చెప్పింది నిజమే.. అవినాష్ నిజంగా దొంగమొహమోడే.. అంటూ రివర్స్ పంచ్ వేశారు నాగార్జున. రెండూమూడు వారాలు నేను ఇది మరిచిపోను.. నేను కూడా దొంగమొహమోడు అంటూ అవినాష్ ను ఏడ్పిస్తా అంటూ నాగార్జున కూడా అనడంతో బిగ్ బాస్ ఇంట్లో నవ్వులే నవ్వులు.
