బిగ్ బాస్ సీజన్ ఫోర్ లో హౌస్ లో భారీ స్థాయిలో పోరాడి తనకంటూ సెపరేట్ ఇమేజ్ క్రియేట్ చేసుకున్న కంటెస్టెంట్ అరియనా. హౌస్ లో ఉన్నంత కాలం ప్రతి టాస్క్ లో అదేవిధంగా ఇతరులతో పాయింట్ టు పాయింట్ మాట్లాడటం వంటి విషయాలలో బిగ్ బాస్ ప్రేక్షకులను ఎంతగానో అలరించింది. ముఖ్యంగా సోహెల్ తో ఎప్పుడూ గొడవ పడుతూ అరియనా హౌస్ లో చేసిన అల్లరి .. డైలాగులు ఇద్దరికీ టామ్ అండ్ జెర్రీ అనే రీతిలో బయట ట్యాగ్ లైన్ తెచ్చి పెట్టినట్లు అయింది.
అదే రీతిలో అవినాష్ తో కూడా చాలా క్లోజ్ గా వుంటూ బయట కూడా అదే రీతిలో వ్యవహరిస్తూ బెస్ట్ ఫ్రెండ్స్ గా రాణిస్తున్నారు. ఇటువంటి తరుణంలో తాజాగా అరియనా సోషల్ మీడియాలో ఓ సరికొత్త పోస్ట్ పెట్టడం వైరల్ గా మారింది. మేటర్ లోకి వెళ్తే బిగ్ బాస్ నుండి బయటకు వచ్చాక తన జీవితంలో అనేక మార్పులు వచ్చినట్లు ఆ పోస్ట్ లో తెలిపింది.
అంతేకాకుండా కుర్ర హీరో రాజ్ తరుణ్, డైరెక్టర్ శ్రీనివాస్ గవిరెడ్డి(సీతమ్మ అందాలు రామయ్య సిత్రాలు ఫేమ్)తో దిగిన ఫొటోని షేర్ చేస్తూ.. అతి త్వరలో ఎగ్జైటింగ్ వార్త రానుందని రాసింది. ఈ క్రమంలో డైరెక్టర్ కి థాంక్స్ చెబుతూ.. రాజ్ తరుణ్ నువ్వు అమేజింగ్ అని కామెంట్ పెట్టింది. అలానే అన్నపూర్ణ బ్యానర్ ని హ్యాష్ ట్యాగ్తో జత చేసింది. మొత్తంమీద చూసుకుంటే అరియానా కి సినిమా ఛాన్స్ దొరికినట్లు తెలుస్తోంది.