Assembly Election Results 2022: దేశంలోని అయిదు రాష్ట్రాల అసెంబ్లీ ఎన్నికల ఓట్ల లెక్కింపు పర్వం కొనసాగుతోంది. ఉత్తరప్రదేశ్, మణిపూర్, ఉత్తరాఖండ్ లో బీజేపీ అధిక్యత కొసాగిస్తోంది. పంజాబ్ లో ఆమ్ ఆద్మీ పార్టీ(ఏపీపీ) క్లీన్ స్వీప్ చేసింది. పంజాబ్ లో ఏఏపీ మ్యాజిక్ ఫిగర్ దాటి లీడ్ లో కొనసాగుతోంది. పంజాబ్ లో మొత్తం 117 స్థానాలకు గానూ 88 స్థానాల్లో ఏఏపీ లీడ్ లో ఉండగా కాంగ్రెస్ పార్టీ కేవలం 13 స్థానాల్లోనే లీడ్ లో ఉంది. శిరోమణి అకాళీదళ్ 8, బీజేపీ 5, ఇతరులు మూడు స్థానాల్లో అధిక్యంలో ఉన్నారు.
Assembly Election Results 2022: రిసార్ట్స్ కు ఎమ్మెల్యేలను తరలిస్తున్న కాంగ్రెస్
గోవాలో కాంగ్రెస్, బీజేపీ మధ్య హోరాహోరీ గా ఫలితాలు వస్తున్నాయి. 40 స్థానాలు ఉన్న గోవా అసెంబ్లీలో బీజేపీ 19, కాంగ్రెస్ 16 స్థానాల్లో లీడ్ లో ఉండగా ఇతరులు 5 స్థానాల్లో అధిక్యంలో ఉన్నారు. ఎమ్మెల్యేలను రిసార్ట్స్ కు తరలించేందుకు కాంగ్రెస్ సిద్ధమైంది.
ఉత్తరప్రదేశ్ లో 403 స్థానాలు ఉండగా 265స్థానాల్లో బీజేపీ ఆధిక్యత కొనసాగుతుండగా, ఎస్పీ 112, బీఎస్పీ 6, కాంగ్రెస్ 3, ఇతరులు మూడు స్థానాల్లో లీడ్ లో కొనసాగుతున్నారు. మణిపూర్ లో మొత్తం 60 స్థానాలకు గానూ బీజేపీ 24, కాంగ్రెస్ 17, ఎన్‌పిఎఫ్ 7, ఎంపిఈపి 6, ఇతరులు 6 స్థానాల్లో ఆధిక్యంలో ఉన్నారు. ఉత్తరాఖండ్ లోనూ బీజేపీ ఆధిక్యత కొనసాగిస్తోంది. ఉత్తరాఖండ్ లో మొత్తం 70 స్థానాలు ఉండగా బీజేపి 42, కాంగ్రెస్ 24 స్థానాల్లో ఆధిక్యతలో కొనసాగుతున్నాయి.
