Baby Girl in Helicopter: ఆడపిల్ల పుట్టడమే శాపమేమో అనుకున్న తల్లిదండ్రులున్న రోజులివి.. ఆడపిల్ల పుట్టకూడదు.. వారసుడి పుట్టాలని ఇప్పటికీ పూజలు, ప్రార్ధనలు చేసే కాలమిది.. అటువంటిది ఓ కుటుంబం తమకు ఆడపిల్ల పుట్టిందని సంతోషంలో వేడుక చేసుకున్నారు.. ఆ పసిబిడ్డని.. ఆ ఇంటి గారాలపట్టిని.. ఆ మహాలక్ష్మిని ఎంతో ఘనంగా హెలికాఫ్టర్ లో ఇంటికి తీసుకొచ్చారు.. మహారాష్ట్రలోని పూణెలో ఓ కుటుంబం ఆడపిల్ల పుట్టిన వేడుకను విభిన్నంగా జరుపుకుంది. ఇంట్లోకి వచ్చిన నవజాత శిశువుకు అపూర్వంగా స్వాగతం పలికారు. వేడుక నిర్వహించారు.. చుట్టూ పక్కల వారిని పిలిచి కొత్త బట్టలు, మిఠాయిలు పంచి పెట్టారు..!
Baby Girl in Helicopter: రూ. లక్ష ఖర్చుతో ఇంటికి..!
పూణేలోని షెల్గావ్ ప్రాంతంలో శాల్ ఝరేకర్ (30 సంవత్సరాలు) వృత్తిరీత్యా న్యాయవాది. వారికి చాలా కాలం తర్వాత ఆడపిల్ల జన్మించింది. ఏప్రిల్ 1 న జన్మించగా.. తల్లి, బిడ్దని ఏప్రిల్ 2న ఇంటికి హెలికాఫ్టర్ లో తీసుకొచ్చారు.. ఈ వార్త,. వీడియో ప్రస్తుతం వైరల్ అయ్యింది. “మా ఇంట్లో చాలా కాలం తర్వాత ఆడబిడ్డ పుట్టిందని, ఎనలేని సంతోషంగా ఉందని విశాల్ అన్నారు. ఏప్రిల్ 2న నా భార్య ,, నేను రాజలక్ష్మిని హెలికాప్టర్లో ఇంటికి తీసుకువచ్చాం. దానికి లక్ష రూపాయలు ఖర్చు చేశానని విశాల్ చెప్పాడు. షెల్గావ్లోని తన పొలంలో నిర్మించిన తాత్కాలిక హెలిప్యాడ్లో హెలికాప్టర్ ల్యాండ్ అయ్యిందని ఝరేకర్ తెలిపారు. దేశం మొత్తం ఆ ఘటనను ఘనంగా స్వాగతిస్తుంది. సోషల్ మీడియాలో ఆ వార్త, ఆ వీడియోని కోట్లాది మంది వీక్షిస్తున్నారు..!