Akhanda Movie Review: నటసింహం నందమూరి బాలకృష్ణ ద్విపాత్రాభినయం చేసిన ‘అఖండ’ (Akhanda)చిత్రం నేడు ప్రేక్షకుల ముందుకు వచ్చింది. బోయపాటి శ్రీను(Boyapati Srinu) దర్శకత్వం వహించిన ఈ చిత్రంలో ప్రజ్ఞా జైస్వాల్, పూర్ణ కథానాయకులుగా నటించారు. శ్రీకాంత్, జగపతిబాబు, అవినాష్ ముఖ్యపాత్రల్లో నటించిన ఈ చిత్రం బోయపాటి-బాలయ్య కాంబినేషన్ లో హ్యాట్రిక్ విజయం సాధించిందో లేదో చూద్దాం…
కథ:
చిన్నప్పుడు కవల పిల్లలుగా ఉన్న కథానాయకులను విడదీయమని స్వామిజీ చెబుతాడు. అందులో ఒకరు అఘోరాగా (బాలకృష్ణ)(Balakrishna) మారగా మరొకరు మురళీకృష్ణ (బాలకృష్ణ) గా అనంతపురంలో విద్యా సంస్థలు నడుపుతుంటారు. అయితే అదే జిల్లాలో భారీ ఎత్తున మైనింగ్ మాఫియా డాన్ గా శ్రీకాంత్(Sri Kanth) కనిపిస్తాడు. శరణ్య (ప్రజ్ఞా జైశ్వాల్)(Pragna Jaishwal) ఆ జిల్లాకు ఐఏఎస్ అధికారి గా వస్తుంది. ఇక కథానాయకుడు, ప్రతినాయకుడు మధ్య జరిగే ఘర్షణ మధ్య మిగతా స్టోరీలో అఘోరా ఎంట్రీ సస్పెన్స్ గా ఉంటుంది. ఆ తర్వాత దేవాలయాల ప్రాముఖ్యత గురించి, అఖండ ఉద్దేశాల గురించి సిద్ధాంతం గురించి ప్రేక్షకులకు తెలియజేస్తారు, అఖండ ఏ విధంగా కారణజన్ముడు అనేది అర్థమవుతుంది.
ప్లస్ పాయింట్స్
నందమూరి బాలకృష్ణ ఎప్పటిలాగే ద్వి లో అదరగొట్టాడు. ఒకపక్క అఘోర పాత్ర చేస్తూనే మరో పక్క అసలు పొంతన లేని క్యారెక్టర్ చేసి మెప్పించడంలో తన అనుభవం మొత్తాన్ని రంగరించాడు.
ఈ సినిమాకి అతి పెద్ద ప్లస్ పాయింట్ థమన్(Thaman) కొట్టిన బ్యాక్ గ్రౌండ్ మ్యూజిక్. థియేటర్లలో ప్రేక్షకులు చెవులకు చిల్లులు పడేలాగా మాస్ స్కోర్ సమకూర్చి ప్రేక్షకులను ఊపేశాడు. చివరికి థియేటర్ యాజమాన్యం స్పీకర్ సౌండ్ తగ్గించాల్సిన పరిస్థితి కొద్ది సెంటర్లలో ఏర్పడింది.
ఈ సినిమా ఇంటర్వెల్ ఎపిసోడ్ బాలయ్య-బోయపాటి మధ్య వచ్చిన ఎన్నో అద్భుత సీన్లలో మేటి అనే చెప్పాలి. మొదటి అర్ధ భాగం మొత్తం ఎంతో అద్భుతంగా సాగి ఇంటర్వెల్ దగ్గర చేసిన రచ్చకి బీభత్సం అనే మాట కూడా తక్కువే…
ఈ సినిమాలోని పాటలు, మ్యూజిక్, విజువల్స్ ప్రేక్షకులను కట్టి పడేస్తాయి. బోయపాటి ఈ విషయంలో మరింత జాగ్రత్త వహించి ఎక్కడా ప్రేక్షకులకు బోర్ కొట్టకుండా చేశాడు.
మైనస్ పాయింట్స్
ప్రతిసారి బోయపాటి(Boyapati) బాలకృష్ణ (Balakrishna) చిత్రాలలో బాగా హైలెట్ అయ్యే పంచ్ డైలాగ్స్ ఇక్కడ పేలలేదు. ఒక మోస్తరుగా బాగానే ఉన్నా వీరి కలయికలో డైలాగ్స్ నుండి ఎక్కువ ఇంపాక్ట్ ఆశించిన ప్రేక్షకులు నిరుత్సాహపడవచ్చు.
సినిమా రెండో భాగం మొత్తం ఫైట్ సీన్లతో నింపేశారు. వీటి మధ్యలో కథ కనిపించదు. బాలయ్య ఫ్యాన్స్ కు ఇంపుగా ఉంటుంది కానీ మిగిలిన వారికి నప్పకపోవచ్చు.
అవుట్ అండ్ అవుట్ మాస్ ఎంటర్ టైనర్ గా ఈ చిత్రం బి, సి సెంటర్ల లో తప్పించి మిగిలిన వారిలో కొందరికి బాగా రొటీన్ గా… క్లైమాక్స్ తో సహా అందరూ ఊహించే విధంగా ఉంటుంది.
విశ్లేషణ
మొత్తానికి బోయపాటి-బాలకృష్ణ చిత్రం నుండి సగటు సినీ ప్రేమికుడు ఏమి ఆశిస్తాడో దానిని ఎంతో ఎక్కువ మోతాదులో ‘అఖండ’ చూపించింది. బాలకృష్ణ ఫ్యాన్స్ కు ఒక రకంగా ఇది పండగే. యావరేజ్ ప్రమోషనల్ వీడియోలతో పెద్దగా అంచనాలు లేకుండా వచ్చిన ఈ చిత్రం అనూహ్యంగా అద్భుతమైన కంటెంట్తో ఆకట్టుకుంది. రొటీన్ స్క్రీన్ ప్లే, క్లైమాక్స్, పూర్తిగా నిండిపోయిన ఫైట్లు కొంతమందికి రుచించకపోవచ్చు కానీ ఈ చిత్రం బాక్సాఫీస్ వద్ద విన్నర్ గా నిలుస్తుంది అనడంలో ఎలాంటి సందేహం లేదు.