Balakrishna : బాలకృష్ణ – బోయపాటి శ్రీను కాంబినేషన్ లో ఒక సినిమా రూపొందుతున్న విషయం తెలిసిందే. ద్వారకా క్రియేషన్స్ బ్యానర్ పై మిరియాల రవీందర్ రెడ్డి భారీ బడ్జెట్ తో నిర్మిస్తున్నాడు. ప్రగ్యా జైస్వాల్, పూర్ణ హీరోయిన్స్ గా నటిస్తోంది. భారీ యాక్షన్స్ ఎంటర్టైనర్ గా ఈ సినిమాని తెరకెక్కిస్తున్నాడు దర్శకుడు బోయపాటి శ్రీను. ఈ సినిమాకి సెన్షేషనల్ మ్యూజిక్ డైరెక్టర్ థమన్ సంగీతం అందిస్తున్నాడు. బిబి 3 అన్న వర్కింగ్ టైటిల్ ఈ సినిమా తెరకెక్కుతుండగా బాలయ్య డ్యూయల్ రోల్ లో కనిపించబోతున్నారు.
కాగా ఇంతక ముందు బోయపాటి శ్రీను – బాలకృష్ణ ల కాంబినేషన్ లో వచ్చిన సింహ, లెజెండ్ సినిమాలు భారీ కమర్షియల్ హిట్స్ గా నిలిచిన సంగతి తెలిసిందే. ఈ రెండు సినిమాలు బాలయ్య నటించిన సినిమాలలో టాప్ టెన్ లిస్ట్ లో ఉన్నాయి. అలాంటి సినిమాల తర్వాత మళ్ళీ ఈ ఇద్దరి కాంబినేషన్ లో హ్యాట్రిక్ సినిమా రాబోతుండటంతో ఈ సినిమా ప్రారంభం అయినప్పటి నుంచే భారీగా అంచనాలు నెలకొన్నాయి. కాగా బాలయ్యకి అలాగే బోయపాటికి వరసగా ఫ్లాప్స్ వస్తున్నాయి. దాంతో ఈ సినిమా ని ఎంతో కసిగా చేస్తున్నారు.
Balakrishna : బాలకృష్ణ గోపీచంద్ మలినేని దర్శకత్వంలో సినిమా..!
ఈ క్రమంలో బిబి ఫస్ట్ రోర్ తో సినిమా ఎలా ఉండబోతుందో హింట్ ఇచ్చారు బాలయ్య – బోయపాటి. ఈ సినిమా మే 28 న రిలీజ్ చేయబోతున్నట్టు మేకర్స్ ఇప్పటికే అధికారకంగా ప్రకటించారు. దాంతో ఇప్పుడు ఈ సినిమా బిజినెస్ కూడా మొదలైందని సమాచారం. బిబి 3 సినిమాను డిస్ట్రిబ్యూటర్ దిల్ రాజు నైజాం, ఉత్తరాంధ్ర ఏరియాలకి కలిపి 19 కోట్లకు తీసుకున్నారని వార్తలు వినిపిస్తున్నాయి. ఇప్పుడు పరిస్థితుల్లో ఈ అమౌంట్ భారీనే అని చెప్పాలి. మొత్తానికి బాలయ్య స్టామినా ఏమాత్రం తగ్గలేదని చెప్పడానికి ఇదే ఎగ్జాంపుల్. ఇక ఈ సినిమా తర్వాత బాలయ్య మైత్రీ మూవీ మేకర్స్ లో ఒక సినిమా చేయబోతుండగా క్రాక్ సినిమాతో ఫాం లోకి వచ్చిన గోపీచంద్ మలినేని దర్శకత్వం వహించబోతున్నాడు.