Balakrishna : నటసింహం నందమూరి బాలకృష్ణ టాలీవుడ్ లో సీనియర్ హీరో అయినప్పటికీ యంగ్ హీరోలతో ధీటుగా సినిమాలను లైనప్ చేసుకుంటున్నారు. ఒక్క బాలయ్య మాత్రమే కాదు ప్రస్తుతం టాలీవుడ్ లో ఉన్న సీనియర్ స్టార్స్ అయిన మెగాస్టార్ చిరంజీవి, నాగార్జున, వెంకటేశ్, రజనీకాంత్, కమల్ హాసన్ హిట్ ఫ్లాప్స్ ని పట్టంచుకోకుండా సినిమాలకి గ్రీన్ సిగ్నల్స్ ఇస్తున్నారు. ఇక బాలయ్య కథ నచ్చితే డైరెక్టర్ కొత్తవాడా, సీనియరా అని ఆలోచించడు. దూసుకెళ్ళడమే. ఒక్కసారి సినిమాకి సైన్ చేస్తే ఇక సెట్స్ మీదకే.
మరీ మఖ్యంగా తన 100వ సినిమా గౌతమీ పుత్ర శాతకర్ణి తర్వాత సినిమాలను ఎంపిక చేసుకోవడంలోనూ, సైన్ చేసిన సినిమాను పూర్తి చేయడంలోనూ యమా దూకుడుగా వ్యవహరిస్తున్నారు. ఆయన ప్రస్తుతం మాస్ డైరెక్టర్ బోయపాటి శ్రీను దర్శకత్వంలో హ్యాట్రిక్ మూవీ చేస్తున్నారు. ‘అఖండ’ అనే పవర్ ఫుల్ టైటిల్ తో భారీ యాక్షన్ ఎంటర్టైనర్ గా తెరకెక్కుతున్న ఇందులో కంచె బ్యూటీ ప్రగ్యా జైస్వాల్ బాలయ్య సరసన నటిస్తోంది. శ్రీకాంత్ – పూర్ణ కీలక పాత్రల్లో కనిపించబోతున్నారు.
Balakrishna : పూరి జగన్నాథ్ దర్శకత్వంలో ఓ సినిమా చేయబోతున్నట్టు వెల్లడించారు.
ఈ సినిమా చిత్రీకరణ చివరి దశకు చేరుకుంది. ఈ క్రమంలో నెక్స్ట్ సినిమాలను మొదలుపెట్టే ప్లాన్లో బాలయ్య ఉన్నారు. ఇక ఇటీవల ఆయన నటించిన ఆదిత్య 369 సినిమా వచ్చి 30ఏళ్ళు పూర్తయిన సందర్భంగా ఓ ప్రముఖ ఛానల్కి బాలయ్య ఇంటర్వ్యూ ఇచ్చారు. ఇందులో ఆయన నెక్స్ట్ సినిమాలను ఎవరితో చేయబోతున్నారో తెలిపారు. అఖండ పూర్తి కాగానే గోపీచంద్ మలినేనితో చేయబోతున్న బాలయ్య ఆ తర్వాత అనిల్ రావిపూడి దర్శకత్వంలో ఓ సినిమా, దీని తర్వాత్ర డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో ఓ సినిమా చేయనున్నట్టు వెల్లడించారు.