Anil ravipudi : అనిల్ రావిపూడి అంటే టాలీవుడ్‌లో ఉన్న అతికొద్ది మంది సక్సెస్‌ఫుల్ డైరెక్టర్స్‌లో ఒకరు. పటాస్ సినిమా నుంచి గత చిత్రం సూపర్ స్టార్ మహేష్ బాబుతో తీసిన సరిలేరు నీకెవ్వరు వరకు అన్నీ బ్లాక్ బస్టర్ హిట్ సాధించాయి. క్రేజీ డైరెక్టర్స్ రాజమౌళి, కొరటాల శివలతో పాటు అనిల్ రావిపూడికి అదే క్రేజ్ ఉంది. ఇప్పటి వరకు ఆయన సినిమాలు బాక్సాఫీస్ వద్ద భారీ సక్సెస్ లు అందుకోవడటంతో టాలీవుడ్ నిర్మాతలు, హీరోలు ఆయనతో సినిమా చేసేందుకు ఆసక్తిని చూపిస్తున్నారు. ప్రస్తుతం ఈయన ఎఫ్ 2 సీక్వెల్ గా ఎఫ్ 3 సినిమాను తెరకెక్కిస్తున్నాడు. విక్టరీ వెంకటేష్, వరుణ్ తేజ్ హీరోలుగా నటిస్తున్నారు. ఎనభై శాతం షూటింగ్ పూర్తవగా మిగిలిన షూటింగ్ కోసం త్వరలో షెడ్యూల్ ప్లాన్ చేస్తున్నారు.
తమన్నా, మెహ్రీన్ హీరోయిన్‌గా నటిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌లో టాలీవుడ్ అగ్ర నిర్మాత దిల్ రాజు నిర్మిస్తున్నారు. ఈ సినిమా తర్వాత అనిల్ రావిపూడి నందమూరి నటసింహం బాలకృష్ణతో ఒక మూవీ తెరకెక్కబోతోంది. ప్రస్తుతం దీనికి సంబంధించిన ప్రీప్రొడక్షన్స్ వర్క్ కూడా జరుగుతుందట. బాలయ్య ఇప్పుడు బోయపాటి శ్రీను దర్శకత్వంలో రెండు విభిన్న పాత్రలలో నటిస్తున్న అఖండ సినిమా చేస్తున్నాడు. ఈ సినిమా షూటింగ్ దాదాపు పూర్తి కావచ్చింది. దాంతో బాలయ్య కూడా కొత్త ప్రాజెక్ట్‌కి రెడీ అవుతున్నాడు.
Anil ravipudi : బాలయ్యని ఎనర్జిటిక్ అండ్ ఎంటర్‌టైన్‌మెంట్ రోల్ చూపించబోతున్నాడట.
ఇప్పటికే క్రాక్ సినిమాతో సూపర్ హిట్ అందుకొని సక్సెస్ ట్రాక్ ఎక్కిన గోపీచంద్ మలినేనితో ఒక సినిమా చేయబోతున్నట్టు అధికారకంగా ప్రకటించారు. మైత్రీ మూవీ మేకర్స్ ఈ సినిమాను నిర్మించబోతున్నారు. దీనితోపాటే బాలయ్య అనిల్ రావిపూడిల సినిమా కూడా ప్రారంభం కానుందని లేటెస్ట్ న్యూస్. ఇక అనిల్ రావిపూడు తరహాలోనే కంప్లీట్ మాస్ అండ్ కామెడీ ఎంటర్‌టైనర్‌గా ఈ సినిమా తెరకెక్కబోతుందట. బాలయ్యను పైసా వసూల్ సినిమాలో పూరి జగన్నాథ్ చూపించిన విధంగా మంచి ఎనర్జిటిక్ అండ్ ఎంటర్‌టైన్‌మెంట్ రోల్ చూపించబోతున్నాడట. అంతేకాదు బాలయ్య మార్క్ ఏమాత్రం మిస్ కాకుండా మంచి ఫైట్స్ కూడా ఉండబోతున్నట్టు సమాచారం.
