BANK HOLIDAYS : ప్రజలు తరచూ బ్యాంకులకు వెళ్లి రావడం సర్వసాధారణం అయ్యింది. నగదు డ్రా చేయడం లేదా జమ చేయడం ఇలా అనేక పనుల కోసం ప్రజలు బ్యాంకులను సందర్శిస్తుంటారు. కొందరు తమకు వీలుచిక్కినప్పుడు బ్యాంకులకు వెళ్లాలని ముందస్తుగానే ప్లాన్ చేసుకుంటారు. అయితే అటువంటి వారు బ్యాంకుల సెలవులు గురించి తెలుసుకోవాల్సి ఉంటుంది. తాజాగా ఆర్బీఐ రాష్ట్రాలు, పండుగల వారిగా సెప్టెంబర్ నెలకు సంబంధించిన బ్యాంకు సెలవులు ప్రకటించింది. భారతదేశ వ్యాప్తంగా మొత్తం 12 రోజులు బ్యాంకులకు సెలవులు ఉండనున్నాయని వెల్లడించింది. అయితే ఈ పన్నెండు దినాల్లో తెలుగు రాష్ట్రాలకు 7 సెలవులు వస్తున్నాయి. అవేంటో చూద్దాం.
BREAKING : డ్రగ్స్ కేసులో నటుడు అరెస్ట్ …!
సెప్టెంబర్ నెలలో 5, 12, 19, 26 తేదీలు ఆదివారం కాగా.. ఈ నాలుగు రోజుల్లో బ్యాంకులకు సెలవులు ఉంటాయి. 11వ తేదీ రెండో శనివారం.. 25వ తేదీ నాలుగో శనివారం కావడంతో ఈ తేదీలలో కూడా బ్యాంకులకు ఎప్పటిలాగానే సెలవులు ఉంటాయి. అయితే ప్రతినెలా ఉండే ఈ ఆరు సెలవులతో పాటు సెప్టెంబర్ నెలలో వినాయక చవితి సందర్భంగా బ్యాంకుల సేవలు నిలిచిపోనున్నాయి. సెప్టెంబర్ 10న గణేష్ చతుర్థి కాగా ఆ తేదీలో బ్యాంకులకు సెలవు వచ్చింది. సెప్టెంబర్ 10 శుక్రవారం కావడంతో.. సెప్టెంబర్ 11 శనివారం.. 12 ఆదివారం కాగా మూడు రోజులు వరుసగా బ్యాంకు సేవలు నిలిచిపోనున్నాయి.
RULES : సెప్టెంబర్ 1వ తారీఖు నుంచి కొత్త మార్పులు రాబోతున్నాయి..!
పైన పేర్కొన్న బ్యాంకుల సెలవులను తెలుసుకొని మీ బ్యాంకు కార్యకలాపాలను ప్లాన్ చేసుకోండి. దైనందిన జీవితంలో బ్యాంకులు కీలక పాత్ర పోషిస్తున్నాయి కాబట్టి మీ నగదు భద్రపరచుకోవడానికి పక్కా ప్రణాళికతో ఉండటం ముఖ్యం.