విజయ్ సేతుపతి విలక్షణమైన నటనతో కోలీవుడ్ లో విపరీతమైన క్రేజ్ ని సంపాదించుకున్నాడు. ఈ క్రేజ్ తో పలు క్రేజీ సినిమాలు చేస్తున్నాడు విజయ్ సేతుపతి. అప్పట్లో త్రిష తో కలిసి నటించిన 96 సినిమా విజయ్ సేతుపతి కి చాలా మంచి పేరు తెచ్చి పెట్టింది. ఈ సినిమాతోనే ఫేడవుట్ అయిందనుకున్న త్రిష మళ్ళీ కం బ్యాక్ అయి ఇప్పుడు 7 భారీ ప్రాజెక్ట్స్ చేతిలో పెట్టుకుంది. ఇక ప్రస్తుతం విజయ్ సేతుపతి విగ్నేష్ శివన్ దర్శకత్వంలో ఒక సినిమా చేస్తున్నాడు. నయన తార, సమంత హీరోయిన్స్ గా నటిస్తుండగా ట్రైయాంగిల్ లవ్ స్టోరీగా ఈ సినిమా తెరకెక్కుతోంది.
అలాగే విజయ్ సేతుపతి విజయ్ నటించిన మాస్టర్ తో పాటు .. తెలుగులో మెగా హీరో డెబ్యూ సినిమా ఉప్పెన సినిమా కూడా రిలీజ్ కి రెడిగా ఉన్నాయి. ఇలా విజయ్ సేతుపతి కి ఉన్న క్రేజ్ వల్ల అటు తమిళం, ఇటు తెలుగు సినిమాలతో బిజిబిజీగా ఉన్నాడు. ఆ మధ్య మెగాస్టార్ నటించిన సైరా లో కూడా మంచి రోల్ చేసిన విజయ్ సేతుపతి ఆ తర్వాత అల్లు అర్జున్ నటిస్తున్న పుష్ప సినిమాలో ముఖ్య పాత్ర కి కమిటయి అనూహ్యంగా తప్పుకున్నాడు.
కాగా ఇప్పుడు ఒక బాలీవుడ్ సినిమా నుంచి కూడా విజజ్ సేతుపతి తపుకున్నట్టు లేటెస్ట్ న్యూస్. బాలీవుడ్ స్టార్ హీరో మిస్టర్ పర్ఫెక్ట్ గా క్రేజ్ ఉన్న అమీర్ ఖాన్ లాల్ సింగ్ ఛద్దా అన్న సినిమా చేస్తున్న సంగతి తెలిసిందే. ఈ సినిమాకోసం అమీర్ ఖాన్ .. విజయ్ సేతుపతిని కీలక పాత్ర కోసం తీసుకున్నాడు. అయితే పాత్ర కి తగ్గట్టు కాస్త బరువు తగ్గమని అమీర్ ఖాన్ .. విజయ్ సేతుపతికి సూచించాడట. కాని ఇది విజయ్ సేతుపతి వల్ల కాకపోవడం తో ఈ సినిమా నుంచి తీసేసినట్టు సమాచారం. మొత్తానికి కారణం ఏదైనా విజయ్ సేతుపతి ఈ మధ్య వరసగా క్రేజీ సినిమాలనుంచే తప్పుకుంటున్నాడని అంటున్నారు.