Bellamkonda Srinivas: బెల్లంకొండ శ్రీనివాస్ Bellamkonda Srinivas టాలీవుడ్ లో హీరోగా నిలదక్కుకునే ప్రయత్నం చేస్తున్నాడు. వివి వినాయక్ వంటి మాస్ దర్శకుడి నుంచి హీరోగా లాంచ్ అయి తనను తాను ప్రూవ్ చేసుకున్నాడు. బోయపాటి శ్రీను దర్శకత్వంలో మాస్ సినిమా చేశాడు. తేజ దర్శకత్వంలో యాక్షన్ స్కోప్ ఉన్న క్లాస్ సినిమా.. రాక్షసుడు అనే థ్రిల్లర్ సినిమా సినిమాలతో ముందుకొచ్చాడు. ఇప్పుడు బాలీవుడ్ లో తన లక్ ట్రై చేసుకోబోతున్నాడు. 16ఏళ్ల క్రితంలో తెలుగులో వచ్చిన బ్లాక్ బస్టర్ హిట్ చత్రపతి మూవీని హిందీ రీమేక్ లో నటిస్తున్నాడు. తనకు అచ్చొచ్చిన దర్శకుడు వివి వినాయక్ ఈ సినిమాకు దర్శకత్వం వహిస్తున్నాడు. అయితే.. ఈ సినిమాకు చిన్న అవాంతరం వచ్చింది.
ఈ సినిమా కోసం రంగస్థలం విలేజ్ సెట్ వేసిన ప్రాంతంలో మరో విలేజ్ సెట్ వేశారు. ఇక్కడే మేజర్ పార్ట్ చిత్రీకరణ జరగాల్సింది. ప్రస్తుత కరోనా పరిస్థితుల నేపథ్యంలో ఏప్రిల్ నుంచి షూటింగ్ ఆగిపోయింది. అయితే.. హైదరాబాద్ లో కొన్ని రోజులుగా కురుస్తున్న భారీ వర్షాలకు ఇప్పుడు ఆ సెట్ డ్యామేజ్ అయింది. దీంతో సెట్ పాడవడంతోపాటు మేకర్స్ కు నష్టం వాటిల్లింది. పైగా.. కరోనా కాస్త తగ్గుముఖం పడుతున్న వేళ షూటింగ్స్ కు త్వరలో అనుమతి వస్తే షూటింగ్ జరిగే వీలు లేకుండా అయింది. జూన్ 10వరకూ తెలంగాణలో లాక్ డౌన్ ఉంది. ఆ తర్వాతే సెట్ ను మళ్లీ వేయాల్సి ఉంటుంది. దీంతో సినిమాకు సెట్ పరంగా పెద్ద డ్యామేజే జరిగిందని చెప్పాలి.
Read More:Chiranjeevi Oxygen Banks: మీడియా తీరుపై చిరంజీవి నిర్వేదం..! మీడియా అధినేతతో ఫోన్ సంభాషణ..!
ఆర్ట్ డైరక్టర్ సునీల్ బాబు ఆధ్వర్యంలో ఈ సినిమా సెట్ రూపొందించారు. సుమారు 6 ఎకరాల విస్తీర్ణంలో 3కోట్ల వ్యయంతో ఈ సెట్ నిర్మించినట్టు తెలుస్తోంది. కరోనా సెకండ్ వేవ్ తో సినిమా షూటింగ్ కు గ్యాప్ వచ్చింది. ఈ సినిమాను బాలీవుడ్ లో పెన్ స్టూడియోస్ సంస్థ నిర్మిస్తోంది. వినాయక్ దర్శకత్వం వహిస్తున్నాడు. హీరోగా బెల్లంకొండకు, దర్శకుడిగా వినాయక్ కు ఇదే హిందీలో తొలి సినిమా. హీరో పాత్ర హై ఎండ్ యాక్షన్ ఓరియెంటెడ కావడంతో అందుకు తగ్గ బాడీ మేకోవర్ తో సిద్ధమయ్యాడు బెల్లంకొండ. హీరోయిన్, నటీనటుల వివరాలు తెలియాల్సి ఉంది.
