Aloe Vera: అలోవెరా (కలబంద) శరీర ఫిట్ నెస్ కు ఎంత మేలు చేస్తుందో తెలిస్తే ఆశ్చర్యం వేయకమానరు. ఇది శరీరంలోని ఫ్యాట్ మరియు బరువు తగ్గించడమే కాక చర్మానికి జట్టుకు మేలు చేస్తుంది. కలబంద వల్ల అనేక ఆరోగ్య ప్రయోజనాలు కలుగుతాయి. కలబంద మొక్కలు సులభంగా, వేగంగా పెరుగుతాయి. కలబంద ఆకు నుండి వచ్చే జెల్ త్వరగా వెలికితీసి వివిధ మార్గాల్లో ఉపయోగించుకోవచ్చు. ఎక్కువ మంది చర్మ సౌందర్యం, జుట్టు పెరగడానికి కలబంద మరియు దాని సారాలను ఉపయోగిస్తుంటారు. కలబంద రసం సూపర్ మార్కెట్ లలో, ఇంటర్నెట్ లో సులభంగా లభిస్తుంది. కలబంద ను సాధారణంగా ఇంట్లో పండిస్తారు. కలబందను ఆహారాలు మరియు పానీయాల్లో ఉపయోగిస్తారు.
కలబంద వల్ల ఉపయోగాలు ఏమిటంటే.. కలబంద మొక్కల్లో పాలీఫెనాల్ పుష్కలంగా ఉన్నందున అనేక రకాల యాంటీ ఆక్సిడెంట్ మరియు యాంటీ ఇన్ఫ్లమేటర లక్షణాలు కల్గి ఉందని చెబుతున్నారు. కలబంద జీర్ణక్రియను పెంచుతుంది. షుగర్ వ్యాధి గ్రస్తులకు ఇది ఎంతో ప్రయోజనకరం. టైపు 2 డయాబెటిస్ ఉన్న వారికి ఇన్సులిన్ శోషణన మెరుగుపర్చడం ద్వారా రక్తంలో చక్కెర స్థాయిలను నియంత్రించడంలో సహాయపడుతుంది. అంతే కాకుండా జీర్ణ క్రియను మెరుగుపర్చడం ద్వారా కలబంద బరువు తగ్గడానికి పరోక్షంగా సహాయపడుతుంది. సలాడ్ డ్రెస్సింగ్ లో కలబంద జెల్ ఉండవచ్చు. సన్నగా కనిపిండం వల్ల ఆలివ్ ఆయిల్, వెనిగర్ వంటి పదార్ధాలతో సులభంగా కలపవచ్చు. కలబందను ఆరోగ్యకరమైన సలాడ్ డ్రెస్సింగ్ ఉత్పత్తి చేయడానికి ఉపయోగించవచ్చు. కలబంద మొక్క గాయాలకు చికిత్స చేయడానికి ఉపయోగిస్తారు.
