Amaranthus: ఏ సీజన్లోనైనా కొరత లేకుండా దొరికే ఆకుకూర తోటకూర Amaranthus.. ఆకుకూరల్లో ఇది ‘రాణి’ వంటిదని అంటారు. యాంత్రిక జీవనానికి అలవాటుపడి తోటకూర రుచి, దాని ఉపయోగాలేంటో చాలామందికి తెలియదు తెలిసినవారుమరిచిపోతున్నారు.తోటకూర ఉపయోగాలు తెలియక చాల మంది దానిని తినడానికి ఆశక్తి చూపించడంలేదు. తోటకూర లో క్యాల్షియం,విటమిన్ ఎ,బి1, బి2, బి6, సి, కె, ఐరన్, రిబోఫ్లేవిన్, పొటాషియం, జింక్, ఖనిజలవణాలు పుష్కలంగా ఉంటాయి.ఇవి క్యాన్సర్‌ను సమర్థ వంతం గా నివారిస్తాయి.
ఒక కప్పు తోట కూర తీసుకుంటే రెండు కప్పుల పాలు, అయిదు కోడి గుడ్లు, మూడు కమలాలు , అయిదు యాపిల్స్,ఇరవై అయిదు గ్రాములు మాంసం, తీసుకోవడం తో సమానమవుతుంది. తోట కూర రోజు తింటుంటే జీర్ణ శక్తిపెరగడం తో పాటు,రక్త హీనత లేకుండా చేస్తుంది . తోటకూర ను ఉడికించి అందులో తేనే కలిపి గోధుమ రొట్టెతో తీసుకుంటే మలబద్దకం, గ్యాస్ట్రిక్, అల్సర్లు మాయమవుతాయి .పాలు తాగితే కొందరికి జీర్ణం కాదు. అలాంటి వారు తోటకూర తినడం చక్కటి ప్రత్యామ్నాయం గా ఉంటుంది .
పాల ద్వారా అందాల్సిన క్యాల్షియమ్‌ను తోటకూరనుంచి పొందవచ్చు. తాజా తోటకూర లో ఉండే పోషకాలు శరీరానికి, ఆరోగ్యానికి ఎంతో మంచిదిఅని డాక్టర్లు చెబుతూ ఉంటారు. తోటకూర మంచి విరోచనకారి. ఆకలిని పుట్టిస్తుంది. ఇందులోని పీచు పదార్ధం జీర్ణ శక్తి పెరిగేలా చేస్తుంది. షుగర్ తో ఉన్నవారికి తోటకూర చక్కటి ఔషధం గా చెప్పవచ్చు . ఇది నెమ్మదిగా జీర్ణమవడం వలన నెమ్మదిగా శరీరానికి శక్తిఅందుతుంది. రక్తం లో గ్లూకోజ్ స్థాయిని స్థిరం గా ఉంచడంలో తోటకూర సహాయపడుతుంది.
తోటకూర వ్యాధి నిరోధకకారిణి కూడా . నోటి సమస్య, చిగుళ్ల వాపు, దంతాల సమస్యను తగ్గిస్తుంది .
బీపీ ని అదుపు లో ఉంచుతుంది.బరువు తగ్గాలనుకొనేవారికి తోటకూర సరయిన ఆహారం.
జుట్టు విపరీతం గా ఊడిపోతున్నవారు.. చుండ్రు తగ్గాలనుకునే వారు… మిక్సీ లో తోటకూర ఆకుల్ని మెత్తగా రుబ్బుకొని తలకు పట్టించుకుని ఒక గంట తర్వాత కడిగేసుకుంటే ఫలితం ఉంటుంది.
తోటకూర నుండి అధిక ప్రోటీన్లు పొందాలంటే,వేపుడు చేసుకొని తినే బదులు ఉడికించుకుని తినే కూర అయితే మంచిది.
