Carrot juice : క్యారెట్ మనకి అన్ని సీజన్లలోనూ దొరుకుతుంది. చాలా మంది కూరలు చేసుకోవడం కంటే పచ్చిగానే తినేందుకు ఎక్కువ ఇష్టపడతారు. మరి కొందరు జ్యూస్ చేసుకొని తాగుతారు. క్యారెట్ తీసుకోవడం వలన కంటికి చాలామంచిది. శరీరానికి సైతం ఎన్నో పోషకాలు అందుతాయి. క్యారెట్లో విటమిన్-ఎ, తో పాటు విటమిన్లు, యాంటీ ఆక్సిడెంట్లు, ఫైబర్ బాగా దొరుకుతాయి. దీనివల్ల కంటి చూపు పెరుగుతుంది. క్యారెట్లో ఉండే సోడియం రక్తపోటునుఅదుపుచేస్తుంది.. క్యారెట్ను రోజుకొకటి తీసుకుంటే కడుపులో నులిపురుగులుబాధ తగ్గుతుంది. జీర్ణక్రియ కూడా మెరుగవుతుంది.పొడి చర్మం కలవారు క్యారెట్ జ్యూస్లో తేనె లేదా ఆలివ్ ఆయిల్ కలుపుకుని ముఖానికి పట్టించి 15 నిమిషాలు ఆరిన తర్వాత కడిగేస్తే చర్మం నిగారింపును సంతరించుకుంటుంది.
ఇంకా క్యారెట్లోని విటమిన్ ఎ సన్ టాన్ నుంచి చర్మానికి రక్షణ కల్పిస్తుంది. చర్మ సంబంధిత వ్యాధుల నుంచి రక్షణ కల్పిస్తుంది. క్యారెట్ క్రిముల తో పోరాడి వ్యాధి నిరోధక శక్తిని పెంచుతుంది. వాపు, నొప్పి తగ్గించడం లో క్యారెట్ బాగా పనిచేస్తుంది. రోజూ ఒక గ్లాసు క్యారెట్ జ్యూస్లోకొంచెం ఏలకుల పొడి, పటికబెల్లంవేసి తాగితే నీరసం, అలసట తగ్గి ,ఉత్సాహం గా ఉంటుంది. నాలుక, గొంతు, పేగుల్లో ఏర్పడే క్యాన్సర్ కారకాల ను నశింపచేస్తుంది . అల్సర్లు కూడాతగ్గుతాయి. క్యారెట్ తురుము లో ఉప్పు, అర స్పూన్ ధనియాల పొడి, కొత్తిమీర తరుగు, పులుపు లేని పెరుగు కలిపి తింటే కడుపులో మంట తగ్గుతుంది.క్యారెట్ను కొరికి నమిలి తింటే.. నోటిలో ఉండే క్రిములు తొలగిపోతాయి.
దంతాలు, చిగుళ్ళు దృఢం గా ఉంటాయి. నోటిపూత కూడా తగ్గుతుంది. దీనితో పాటు కాలేయంలో పెరిగిన కొవ్వును క్యారెట్లో ఉండే పోషకాలు అడ్డుకుంటాయి. చర్మ సమస్య, జుట్టు పొడిబారడం వంటి సమస్యల కు క్యారెట్ మంచి పరిష్కారం అని ఆరోగ్య నిపుణులు సూచిస్తున్నారు .