మన లో చాలామందికి టీ తాగే అలవాటు ఉంటుంది.. టీ అనగానే వేడి వేడి పొగలు వస్తున్నప్పుడు టీ తాగడమే మనలో చాలా మందికి తెలుసు. కానీ ఇప్పుడు మనం ఐస్ టీ గురించి చెప్పుకోబోతున్నాం. ఐస్ టీ తాగితే ఎన్నో పోషకాల్నిపొందడం తో పాటు మానసిక ఉల్లాసం కలుగుతుంది.
ఐస్ టీతాగడం వలన డీహైడ్రేషన్ సమస్య నుంచీ బయటపడవచ్చు. ఐస్ టీ ని క్రమం తప్పకుండా తాగుతూ ఉంటే, మన శరీరం లో లిక్విడ్ లెవెల్స్ పెరిగి ఆరోగ్యానికి మేలు చేస్తాయి.విష వ్యర్థాల్ని తరిమికొట్టే మహత్తర శక్తి ఐస్ టీ కి ఉంది. టీ లోని యాంటీ ఆక్సిడెంట్స్… చర్మాన్ని కాపాడి,ఫ్రీ రాడికల్స్ లేకుండా చూస్తాయి . మనం తీసుకునే పండ్లు, కూరగాయల్లో కంటే, 8 రెట్లు ఎక్కువగా టీ లో పాలీఫెనాల్ యాంటీ ఆక్సిడెంట్స్ ఉంటాయి.
350 గ్రాముల కోలా డ్రింకు లో 39 గ్రాముల పంచదార ఉంటుంది. అది ఇంచుమించుగా 9 న్నర టీస్పూన్లకు సమానం. దాని వల్ల 140 కేలరీల శక్తి వస్తుంది. కానీ పంచదార లేని 350 గ్రాముల ఐస్ టీ తో 2 కేలరీల శక్తే వస్తుంది. కాబట్టి బరువు తగ్గాలనుకునేవారు ఈ టీ తాగవచ్చు.ఐస్ టీ దంతాలు పాడవకుండా చెయ్యడంలో ఉపయోగపడుతుంది.
దంతాల్ని పాడుచేసే కేవిటీస్పై పోరాడుతుంది. 3వేలకు పైగా పరిశోధనల్లో ఈ టీలో ఉండే పోషకాలు కేన్సర్తో పోరాడతాయనితేలింది. టీ తాగే వారికి ఒత్తిడి నుంచి ఉపశమనం కలుగుతుందని బ్రిటన్లో జరిపిన పరిశోధనలో తేలింది. ఐస్ టీ గుండె కు మంచిదని పరిశోధనల్లో తేలింది. రోజూ మూడు కప్పు ల ఐస్ గ్రీన్ టీ తాగేవాళ్ల లోగుండె నొప్పి వచ్చే అవకాశాలు 35 శాతం తక్కువగా ఉన్నట్లు తెలిసింది.