పాప్ కార్న్ అంటే ఇష్టమా? ఇది తప్పకుండా తెలుసుకోండి!!

మనం తినే ఆహారం లో మొక్కజొన్నను వివిధ రకాలుగా ఉపయోగించుకోవచ్చు. ఉడికించుకుని , లేదాకాల్చుకుని  కూడా తినవచ్చు.కార్న్ ను  అనేక  రకాలైన  పధార్ధాలతో  కలిపి అనేక  రకాల వంటలను తయారు చేసుకోవచ్చు.అలాగే సూప్స్ లో సలాడ్స్ లోకూడా ఉపయోగించుకోవచ్చు. మొక్కజొన్నతో తయారు చేసే గ్రిల్డ్ కార్న్ కార్న్ కాసొరోల్, బ్లాక్ బీన్, మరియు కార్న్ సలాడ్ వంటివి ఎక్కువగా ఇష్టపడతారు.

ఇక పాప్ కార్న్ విషయానికి వస్తే చాలా  ఎక్కువమంది  దీన్ని ఎంతో ఇష్టం గా తింటూ ఉంటారు.ఇవి సినిమా థియేటర్ లో బాగా దొరుకుతుండడం వలన మనలో ఎక్కువ మంది సినిమాలు చూసేందుకు థియేటర్లకు వెళ్లినప్పుడు మాత్రమే పాప్‌కార్న్ ఎక్కువగా తింటుంటారు. తర్వాత దానిగురించే పట్టించుకోరు. కానీ పాప్ కార్న్ తో  మనకు చాలా లాభాలు ఉన్నాయి.మనకు వచ్చే అనారోగ్య సమస్యల నుంచి  పాప్‌కార్న్‌లో ఉండే పోషకాలు,ఔషధ గుణాలు, బయట పడేస్తాయి. మరి పాప్‌కార్న్ తినడం వల్ల ఇంకా ఎలాంటి ప్రయోజనాలు కలుగుతాయో ఇప్పుడు తెలుసుకుందాం..

రోజంతా శక్తితో, ఉత్సాహంగా ఉండాలంటే పాప్‌కార్న్ తినాలి. ఎందుకంటే పాప్‌కార్న్‌లో ఉండే ప్రోటీన్ మనకు శక్తినిస్తుంది..
పాప్‌కార్న్‌లో ఫైబర్ ఎక్కువగా ఉండడం వలన  పాప్‌కార్న్‌ను తింటే జీర్ణ వ్యవస్థ పనితీరు మరింత మెరుగుపడుతుంది. అలాగే షుగర్ స్థాయి నియంత్రణ లో ఉంటుంది.
పాప్‌కార్న్‌లో పాలీఫినాల్స్ అనబడే యాంటీ ఆక్సిడెంట్లు ఉండడం వలన ఇవి క్యాన్సర్ వచ్చే అవకాశాలను తగ్గించి  గుండె ఆరోగ్యాన్ని పదిలంగా ఉండేవిధంగా పనిచేస్తాయి.
పాప్‌కార్న్ తినడం వల్ల అధికంగా క్యాలరీలు చేరతాయనే భయం ఉండదు. ఇంకా చెప్పాలంటే బరువు తగ్గాలనుకునే వారికి ఇవి మంచి  ఆహారంగా ఉపయోగపడతాయి. తక్కువ మోతాదులో పాప్‌కార్న్ తిన్నాకూడా  చాలా ఎక్కువ సేపు ఆకలి వేయకుండా పొట్టనిండుగా  ఉంటుంది. దీంతో ఆహారం తక్కువగా తీసుకుంటారు. ఫలితంగా బరువు తగ్గుతారు.