ఈ మధ్య కాలంలో చాలా మంది నిద్రలేమి స‌మ‌స్య‌తో ఇబ్బంది ప‌డుతున్నారు. రాత్రి ఎక్కువ స‌మ‌యం వ‌ర‌కు మేలుకుని ఉండడం వలన నిద్రలేమి సమస్య వస్తుంది అనే చెప్పాలి. ఈ మధ్య కాలంలో చిన్నా పెద్దా అనే తేడా లేకుండా ప్రతి ఒక్కరూ కూడా ఫోన్ కి అలవాటు పడిపోయారు. ఎంతలా అంటే నిద్ర వచ్చినా మానుకుని మరి రాత్రి పూట ఫోన్ చూస్తున్నారు. ప్రత్యేకంగా ఈ కారణమే అని చెప్పక్కర్లేదు కానీ నిద్రలేమికి అనేక కార‌ణాలు ఉన్నాయి. మాన‌సిక ఆందోళ‌న, ఒత్తిడి, సరైన శారీర‌క శ్ర‌మ లేక‌పోవ‌డం వంటి వాటి వలన నిద్రలేమి సమస్య వస్తుంది.
నిద్రలేమి వలన కలిగే దుష్ప్రభవాలు :
నిద్రలేమి కార‌ణంగా ఇత‌ర అనారోగ్య స‌మ‌స్య‌ల బారిన పడే అవకాశం కూడా ఉందని నిపుణులు చెబుతున్నారు.అందుకే మంచి నిద్ర అనేది ప్రతి ఒక్కరికి అవసరం.అలాగే నిద్రలేమి వలన వచ్చే కొన్ని సమస్యలను మ‌నం కొన్ని రకాల ఇంటి చిట్కాల‌ను ఉప‌యోగించి న‌యం చేసుకోవ‌చ్చు.మరి ఆ చిట్కాలు ఏంటో చూద్దామా.మ‌న ఇంట్లో ఉండే ప్రతి ప‌దార్థం కూడా ఒక ఔష‌ధం లాగా మనకు ఉపయోగపడుతుంది.ముఖ్యంగా మ‌న ఇంట్లో ఉండే త‌మ‌ల‌పాకు, ప‌చ్చ‌క‌ర్పూరాన్ని ఉప‌యోగించి అనేక అనారోగ్య స‌మ‌స్య‌ల నుండి ఉపశమనం పొందవచ్చు. మరి ఈ చిట్కా ఎలా ఉపయోగించాలో ఇప్పుడు తెలుసుకుందాం.
నిద్రలేమి సమస్య వలన వచ్చే అనారోగ్యాలకు చిట్కా :
ముందుగా రెండు లేదా మూడు ప‌చ్చ‌క‌ర్పూరం బిళ్ల‌ల‌ను మెత్తని పొడిగా చేసి వెన్న‌లో వేసి క‌ల‌పాలి.వెన్న, పచ్చ కర్పూరం పొడిని త‌మ‌ల‌పాకులో వేసి కిళ్లీలా చుట్టుకుని నోట్లో వేసుకుని న‌మ‌లాలి. ఇలా నములుతుండగా వచ్చే ర‌సాన్ని బయటకు ఉసెయకుండా మింగుతూ ఉండాలి. ఇలా చేయ‌డం నిద్రలేమి సమస్య వలన వచ్చే క‌ళ్లు తిర‌గ‌డం, అసిడిటీ, మ‌ల‌బ‌ద్దకం, వికారంగా ఉండడం, చెమ‌ట‌లు ప‌ట్ట‌డం వంటి అనారోగ్య స‌మ‌స్య‌లు త‌గ్గు ముఖం ప‌డ‌తాయి.త‌మ‌ల‌పాకును, ప‌చ్చ‌క‌ర్పూరాన్ని క‌లిపి తిన‌డం వ‌ల్ల శ‌రీరంలో అధికంగా ఉన్న వేడి తగ్గి శరీరం చల్ల బడుతుంది.త‌ల‌నొప్పితో బాధ‌ప‌డే వారు కూడా ఈ చిట్కాను పాటించ‌డం వ‌ల్ల మంచి ఫ‌లితం ఉంటుంది.
