ఇప్పుడున్న ప్రపంచంలో ఇంటర్నెట్ లేకుండా క్షణం కూడా గడవదు. దీనివల్ల ఎన్ని ఉపయోగాలు జరుగుతున్నాయో అంతే స్థాయిలో అనర్దాలు కూడా జరుగుతున్నాయి. మనకు తెలియకుండా ఇచ్చే పరిమిషన్ల వల్ల చరవాణీలలో మనకు తెలియకుండా మన ఫోన్లలో ఉన్న డేటా చౌర్యం జరుగుతోంది. వీటిపై అవగాహన లేకపోతే మీ ఫోన్లో ఉన్న డేటా లూటీ జరుగుతుంది. ఇంటర్ నెట్ ఉపయోగించి మీకు తెలియని వాటిని నూతన పద్దతిలో వెతకడం గురించి ఇప్పుడు మనం తెలుసుకుందాం.
గూగుల్ లో ఏదైన కావాల్సిన దాని గురించి వెతుకుతుండగా అవసరమైన దానితోపాటు సంబంధం లేనివి మొత్తం మీకు కనిపిస్తుంటాయి. అలాంటి వాటి వల్ల కొన్ని సార్లు మీరు సరైన దానికి గుర్తించే అవకాశం ఉండదు, విసుగు వచ్చే అవకాశం ఉంటది. ఖచ్చితమైన పదం కోసం అంతర్జాలంలో వెతుకుతున్నప్పుడు కోట్స్ (“ “) ఉపయోగించి సెర్చ్ చేయండి. అప్పుడు దానికి సంబదించిన వాటిని మాత్రమే చూపిస్తుంది. దీనివల్ల మీ సమయంతో పాటు డేటా కూడా వృధా కాదు.
స్మార్ట్ ఫోన్లు వాడుతున్న ప్రతి ఒక్కరు యూట్యూబ్ గురించి తెలియని వారు ఉండరు. యూట్యూబ్ లో వీడియోలు చూస్తుండగా మధ్యలో వచ్చే యాడ్ల వల్ల మీ ఇంటర్ నెట్ డేటా తగ్గే అవకాశంతో పాటు మీకు ఆ వీడియో మీద ఉన్న ఏకాగ్రత కూడా పోతుంది. యూట్యూబ్లో ఇలా యాడ్స్ రాకుండా వీడియోలను చూడాలనుకుంటే యాడ్ బ్లాకర్ ను ఉపయోగించి వీడియో మధ్యలో వచ్చే యాడ్లను బ్లాక్ చేయవచ్చు. అకౌంట్ డిపార్ట్మెంట్లో పని చేసే వారికి కంప్యూటర్లలో కాలిక్యులేటర్ లేకపోతే బాదేమీ లేదు గూగుల్ ఈ సదుపాయాన్ని కల్పిస్తుంది. సెర్చ్ లో కాలిక్యులేటర్ సెర్చ్ చేసి ఉపయోగించుకోవచ్చు. అంతే కాదు మీ వ్యక్తిగత వివరాలు ఇంకాగ్నిటో మోడ్ ఓపెన్ చేసి సెర్చ్ చేసుకొండి, అవి ఎవరికి హిస్టరీలో కనిపించకుండా ఉంటాయి. దీంతో మీ డేటా సురక్షితంగా ఉండే అవకాశం ఉంది.