ప్రతీరోజు మొలకెత్తిన గింజలను తీసుకుంటే రోగనిరోధక శక్తి పెరుగుతుంది. తద్వారా జబ్బుల బారిన పడకుండా ఉండవవచ్చని ఆరోగ్య నిపుణులు సలహా ఇస్తున్నారు. మొలకలను చిన్నా, పెద్దా అందరూ తినవచ్చు. ఉదయం అల్పాహారంగానూ, మధ్యాహ్నం స్నాక్స్‌గా కూడా వీటిని తీసుకోవచ్చు. ఈ మొలకలలో పోషక పదార్ధాలు పుష్కలంగా ఉంటాయి. మొలకలొచ్చిన గింజలను తినడం వల్ల కలిగే లాభాలేంటో తెలుసుకుందాం.
మొలకగింజల్లో శరీరానికి అవసరమయ్యే ఓమేగా 3 ఫాటి ఆసిడ్స్‌,ఫైబర్‌, కాల్షియం, జింక్‌, ప్రోటీన్స్‌,నీరు, విటమిన్ సి లభిస్తాయి. గుండె సంబంధిత అనారోగ్యాలను నివారిస్తూ, గుండె ఆరోగ్యాన్నికాపాడుతుంది . ఇవి త్వరగా జీర్ణమవుతాయి. మొలకలు మలబద్ధకాన్ని పోగొడతాయి. ప్రీరాడికల్స్‌ను తొలగిస్తుంది. హార్మోన్లను సమతుల్యం కి మొలకెత్తిన గింజలు బాగా ఉపయోగపడతాయి.
కొవ్వును పెరగనివ్వదు.శనగలు, పెసలు, అలచందలు, వేరుశెనగపప్పులు లాంటి గింజ ధాన్యాలను నీటిలో నానేసి, వాటికి మొలకలు వచ్చిన తర్వాత అలాగే తినవచ్చు.లేదా ఇంకారుచి పెంచుకోవడం కోసం సన్నగా తరిగిన ఉల్లిపాయ ముక్కలు, చిన్న చిన్న గా తరిగిన పచ్చిమిర్చి, కొత్తిమీర వాటిల్లో కలిపి, కొంచెం ఉప్పు వేసి తింటే బావుంటాయి. కొంతమంది మొలకగింజలను ఉడికించి, వాటికి తాలింపు పెట్టి తింటారు.
అయితే, మొలకగింజలను, ఆవిరి మీద ఉడికించి తినడం మంచిది. నీళ్ళల్లో ఉడికించాలనుకుంటే,మొలకలు మెత్తబడటానికి సరిపడా నీటిని మాత్రమే పోయాలి. నీరు ఎక్కువ అయితే పోషకాలు పోతాయి. జంక్ ఫుడ్ తినడం కంటే మొలకెత్తిన గింజలను తినడమే ఆరోగ్యానికి మంచిది.
మొలకెత్తిన విత్తనాలు జీర్ణ సమస్యలను తగ్గిస్తాయి. బరువు తగ్గాలి అనుకునేవారు రోజు మొలకెత్తిన విత్తలనాలను తింటూఉండాలి.
మొలకలు మెదడుకు రక్తాన్ని సరఫరా చేయడంలో బాగా పనిచేస్తాయి. మొలకల్లో ఉండే విటమిన్ సీ తెల్లరక్తకణాలను ఉత్తేజితం చేయడం లో బాగా ఉపయోగపడతాయి. విటమిన్ ఏ ఇందులో ఉండడంవలన కంటిచూపును మెరుగుపరుస్తుంది.
