Removal of Unwanted hair tips: ఆడవాళ్లు అందానికి ఎంత ప్రాధాన్యత ఇస్తారో ప్రత్యేకంగా చెప్పనవసరం లేదు. అందంగా కనిపించడం కోసం రకరకాల టిప్స్ పాటిస్తూ ఉంటారు. అయితే ఆడవాళ్ళ అందాన్ని డామినేట్ చేసే వాటిలో అవాంఛిత రోమాల సమస్య కూడా ఒకటి అనే చెప్పాలి. ముఖ్యంగా కొందరి ఆడవాళ్లకు పై పెదవి దగ్గర రోమాలు వస్తూ ఉంటాయి.సాధారణంగా ఈ సమస్య మగవారిలో మనం చూడవచ్చు. ఎందుకంటే మగవారికి మీసాలు, గడ్డలు ఉంటాయి. కానీ కొందరు ఆడవాళ్లు కూడా ఈ సమస్యతో ఇబ్బందులు పడుతూ నలుగురిలోకి వెళ్లడానికి సంకోచిస్తున్నారు.హార్మోన్ల అసమతుల్యత కారణంగా ఈ సమస్య తలెత్తుతుంది. అవాంఛిత రోమాలను తొలగించుకోవడానికి చాలా రకాల ప్రయత్నాలు చేస్తూ ఉంటారు. కానీ ఎటువంటి నొప్పి, సైడ్ ఎఫెక్ట్స్ లేకుండా మేము చెప్పే ఇంటి చిట్కాలను ఉపయోగించడం వలన ఈ సమస్య నుండి బయటపడవచ్చు. మరి అవాంఛిత రోమాలను తొలగించే ఇంటి చిట్కాల ఏంటో ఇప్పుడు తెలుసుకుందాం.
ముందుగా ఒక గిన్నెలోకి కొద్దిగా పసుపు, శనగపిండిని తీసుకోవాలి. తరువాత ఆ గిన్నెలో తగినన్ని పాలను పోసి మెత్తని పేస్ట్ లాగా కలుపుకోవాలి. ఇలా తయారుచేసిన ఈ మిశ్రమాన్ని అవాంఛిత రోమాలు ఉన్న చోట రాసి బాగా ఆరనివ్వాలి. కొద్ది సేపటి తరువాత నీటితో కడిగి వేయాలి. ఇలా తరచూ చేయడం వల్ల అవాంఛిత రోమాలు తొలిగిపోతాయి. మరొక చిట్కా ఏంటంటే ఒక గిన్నెలో కార్న్ ఫ్లోర్ ను, పంచదారను తీసుకుని అందులో ఎగ్ వైట్ ను మాత్రమే వేసి కలపాలి. ఈ మిశ్రమాన్ని అవాంఛిత రోమాలు ఉన్న చోట రాసి అలాగే అరేవరకు ఉంచి ఆ తరువాత కడిగేయాలి.ఇలా వారానికి రెండుసార్లు చేయడం వల్ల చక్కటి ఫలితం ఉంటుంది.
అవాంఛిత రోమాలను తొలగించడంలో ఈ చిట్కా బాగా ఎఫెక్టీవ్ గా పని చేస్తుందనే చెప్పాలి ఒక గిన్నెలో పసుపు, నిమ్మరసం, పంచదార వేసి కలపాలి. అవాంఛిత రోమాలను తొలగించడంలో బంగాళాదుంప జ్యూస్ ఎంతగానో ఉపయోగపడుతుంది. ఈ జ్యూస్ రాత్రి పడుకునే ముందు అవాంఛిత రోమాలపై రాయాలి. ఉదయాన్నే నీటితో కడిగి వేయాలి. వారానికి నాలుగు సార్లు ఇలా చేయడం వల్ల మంచి ఫలితం ఉంటుంది.