Weight Loss: ఈ మధ్య కాలంలో అందరూ బరువు తగ్గి నాజూకుగా ఉండాలని ప్రయత్నిస్తున్నారు. అందుకోసం ఎన్నో రకాల వర్కౌట్లు, ఎక్సర్సిస్ లు, డైట్ లు, చేస్తున్నారు. మరి కొందరేమో ఏకంగా సన్నబడడానికి ఉదయం అల్పాహారం మానేస్తున్నారు. అయితే ఉదయం అల్ఫాహారం మానేయడం అత్యంత ప్రమాదకరమని శరీరానికి కావలిసిన పోషణ సరిగ్గా అందదని వైద్య నిపుణులు చెబుతున్నారు. అలాగే అల్ఫాహారంగా ఏది పడితే అది తినకూడదట. ప్రోటీన్, విటమిన్స్, మినరల్స్ సమపాళ్ళలో ఉదయం అల్ఫాహారంగా తీసుకోవాలట. ఇంకొక ముఖ్యమైన విషయం ఏమిటంటే కొన్ని ఫుడ్ ఐటమ్స్ ని ఉదయం ఖాళీ కడుపుతో అస్సలు తీసుకోకూడదట. అవి ఏమిటంటే…
సాఫ్ట్ డ్రింక్స్: సాఫ్ట్ డ్రింక్స్ ని ఉదయమే కాదు రోజు మొత్తంలో ఎప్పుడూ తీసుకోకుండా ఉంటేనే మంచిదట. ఇందులో ఉండే అధిక చెక్కర వలన బరువు పెరుగుతారు. కాబట్టి బరువు తగ్గాలి అనుకునే వారు వీటికి ఎంత దూరం గా ఉంటే అంత మంచిది.
సిట్రస్ పండ్లు: సిట్రస్ పండ్లలో అధిక ఆమ్లాలు ఉండడం వలన మన కడుపు పై అధిక భారం పడుతుందట.
శీతల పానీయాలు: చాలా మందికి ఉదయం లేవగానే ముందుగా చల్లగా నీళ్లు తాగాలని అనిపిస్తుంది. కానీ ఇది మన ఆరోగ్యానికి అస్సలు మంచిది కాదట. ఇందుకు భిన్నంగా ఉదయం లేవగానే నీటిని గోరు వెచ్చగా కాచుకుని తాగితే ఎన్నో ప్రయోజనాలు ఉంటాయట. ఉదయం ఖాళీ కడుపుతో శీతల పానీయాలు సేవించడం వలన మన జీర్ణక్రియ మందగిస్తుందని అధ్యయనాలు చెబుతున్నాయి.
కారంగా ఉండే ఆహారం: ఉదయం పరగడుపున అల్పాహారం లో ఎక్కువగా కారంతో తయారుచేసిన ఆహారాన్ని తీసుకోవడం వలన కడుపులో మంట వంటి సమస్యలు వస్తాయి. అందుకే పొద్దున పూట కారంతో తాయారు చేసిన ఆహార పదార్థాలకు ఎంత దూరంగా ఉంటే అంత మంచిది.
