Potato: బంగాళాదుంపల్లో – Potato కార్బోహైడ్రేట్స్ , కేలరీలు కూడా ఎక్కువే. అందువల్ల వీటిని ఎక్కువగా తినడం వలన శరీరం లో గ్లూకోజ్ స్థాయి పెరుగుతుంది. అందువల్ల తక్కువగా తినాలి. కానీ చాలా మంది ఆలూతో చేసిన వేపుళ్ళు, చిప్స్ వంటివి ఎక్కువగా తింటున్నారు. అసలు ఆలూను కూరల్లో తింటే మంచిదేగానీ… ఇలా వేపుడుల రూపం లో తింటేమాత్రం ప్రమాదమే. ఎందుకంటే ఈ ఫ్రైలు, చిప్స్ వంటివి చాలారుచిగా ఉండి ,తినే కొద్దీ తినాలనిపిస్తాయి.
ఫలితంగా శరీరం లో కి ఆయిల్ కొవ్వు బాగా చేరుతుంది. అలాగే… గ్లూకోజ్ స్థాయి కూడా పెరుగుతుంది. అదే సమయంలో పిండి పదార్థం వలన బరువు పెరిగిపోతారు. వీటన్నిటికీ తోడు… ఇలాంటి వేపుళ్లలో ఉప్పు ఎక్కువగా వేస్తారు. అది మన శరీరానికి ప్రమాదం. ఎక్కువ ఉప్పు తింటే… బీపీ వస్తుంది. తల తిరుగుతుంది కూడా. ఇంకా చాలా సమస్యలు వస్తాయి. ఆలూ తినాలి… కానీ జాగ్రత్తగా తినడమనేది చాల అవసరం. అదెలాగో తెలుసుకుందాం.
ఆలూ ని ఫ్రై చేసుకుని తినాలనిపిస్తే బంగాళా దుంపల్ని సన్నగా తరిగి, వాటిని బేకింగ్ ట్రే పై ఓవెన్‌లో వెయ్యాలి. కొద్దిగా ఆలివ్ ఆయిల్ లేదా ఏదైనా ఆయిల్ అద్దాలి. అలా లైట్ ఆయిల్‌లో వేగే ఆలూకి, కొన్ని కూరగాయ ముక్కల్ని జతచేసి… వండి తినవచ్చు. సల్సా, హమ్మూస్ వంటి సాస్ తో కలిపి తింటే… బాగా రుచిగా ఉంటాయి. ఆలూను సూప్‌లా చేసుకుని తింటే చాలామంచిది .పుట్టగొడుగులు, రొయ్యలు, రోస్ట్ చేసిన ఎండుమిర్చి, మాంసం కలిపి ఈ సూప్‌ తయారు చేసుకుని తినవచ్చు. బంగాళాదుంప ఉడికిన తర్వాత పేస్టులా చేసుకోవడం చాలా తేలిక. ఇందులో నిమ్మరసం, కొంచెం ఆలిన్ ఆయిల్ వేసి కలిపి… పుదీనా, కొత్తిమీర వేసుకుని తింటే చాలా చాలా రుచిగా ఉంటుంది.
చిన్న దుంపల ను తెచ్చుకుని ఫ్రై చేసుకోవడం చాలా తేలిక.. చిన్న చిన్న దుంపల్ని బాగా కడిగి… నీరు పోయిన తర్వాత… ఆలివ్ ఆయిల్‌లో వెయ్యాలి. హై టెంపరేచర్‌లో వీటిని పసుపు, గోధుమ రంగు లోకి మారేవరకూ వేపాలి. వీటికి చెర్రీ టమాటాలు, కూరగాయల్లాంటివి జతచేసి కూడా తినవచ్చు.
