Success: జీవితంలో విజయం Success సాధించాలి అనుకునే వారు ఎవ్వరైనా కొన్ని కొన్ని మార్పులు చేసుకోవాలి. కష్టమైన కూడా కొన్ని కొన్ని అలవాటు చేసుకోవాలిసి ఉంటుంది. శ్రమ పడటానికి సవాళ్ళను ఈదృక్కోవడానికి ఎప్పడు సిద్ధం గా ఉండాలి. ఓటముల ను కాళ్ళకింద మెట్టు గా చేసుకుని ఒక్కో మెట్టు ఎక్కుతూ విజయశిఖరాన్నీతాకాలి.విజయం పొందాలన్న విజయవంతమైన వ్యక్తులు గా మారాలన్నా.. అందుకు కొన్ని నియమాలను ప్రతి ఒక్కరు పాటించాలి. దీంతో ఎవరికైనా విజయవంతమైన వ్యక్తులుగా మారడం చాలా తేలికవుతుంది. వాటిగురించి తెలుసుకుందాం…
ఇప్పుడున్న బిజీ జీవితం లో చాలా మంది.. చాలా ఆలస్యంగా నిద్ర లేస్తున్నారు. రాత్రి ఆలస్యం గా నిద్రపోవడం దీనికి ప్రధాన కారణం గా చెప్పుకోవచ్చు. స్మార్ట్ఫోన్లు,టీవీ, కంప్యూటర్ల సమయం గడిపేస్తూ ఆలస్యం గా నిద్రపోవడం తో పాటు ఆలస్యంగా నిద్ర లేస్తున్నారు. జీవితం లో విజయం సాధించాలి అని అనుకుంటే ముందుగా చేయవలిసిన పని ఇలాంటి అలవాట్లను మానుకోవడమే.
రాత్రివీలైనంత త్వరగా పడుకుని తెల్లవారుజామునే నిద్రలేవాలి. తెల్లవారు ఝామున మీ శక్తి మిగతా రోజుతో పోలిస్తే ఎన్నో రేట్లు ఎక్కువగా ఉంటుంది .. అలా గే రోజు గడిచే కొద్దీ మీ శక్తి కూడా తగ్గుతూ ఉంటుంది. కాబట్టి ఆ సమయాన్ని ఉపయోగించుకోవడానికి త్వరగా నిద్ర లేవండి. అదే విధం గా ఖచ్చితం గా 8 గంటల నిద్ర కి ఎలాంటి లోటు లేకుండా చూసుకుంటే మాత్రం.. విజయం సాధించాలనుకునే మార్గంలో ఒక మెట్టు పైనే ఉన్నట్టు లెక్క .
శారీరకంగా, మానసికంగా ఆరోగ్యంగా ఉన్నవారు మాత్రమే అనుకున్న లక్ష్యాన్ని చేరుకుని విజయాన్ని పొందగలుగుతారు. కనుక విజయం పొందాలనుకున్నవారు మంచి ఆహారం తీసుకోవడం తో పాటు వ్యాయామం లేదా యోగా, ధ్యానం వంటివి చేసి చేసి శారీరక, మానసిక ఆరోగ్యాన్ని పెంచుకునే ప్రయత్నం చేయవలిసిందే..
విజయవంతమైన వ్యక్తులుగా మారాలనుకునే వారు మంచి, మంచి పుస్తకాలను చదవడం అలవాటు చేసుకోవాలి. అలాగే తమ ఎదుగుదలకు అవసరం అనుకున్న ప్రతి విషయాన్ని మొహమాట పడకుండా నేర్చుకోవాలి. ప్రతి అంశం లోతుగా పరిశీలిస్తూ అవగాహన పెంచుకునే సూక్ష్మ బుద్ధి కలిగి ఉండాలి.