Bhagini Hastabhojanam:చాలా మందికి తెలిసి అన్నా చెల్లెళ్లు జరుపుకునే రాఖీ పౌర్ణమి పండగ గురించి మాత్రమే తెలిసి ఉంటుంది కానీ సోదరి సోదరులు చేసుకునే మరొక పండగ ఒకటి ఉంది అని చాలా తక్కువ మందికి తెలిసి ఉంటుంది.ఆ పండగ పేరే ” భగిని హస్త భోజనం”(Bhagini Hastabhojanam festival ) ఈ పండగను ప్రతి యేటా దీపావళిపండుగ ముగిసిన రెండో రోజు జరుపుకోవాలని మన పురాణాలు చెబుతున్నాయి. మరి ఈ భగిని హస్త భోజనం పండగ అంటే ఏమిటి ..? ఎలా జరుపుకోవాలి అనే విషయాలు ఇప్పుడు తెలుసుకుందాం.
భగీని హస్తభోజనం పండగను ఎప్పుడు జరుపుకోవాలంటే..?
ఈ పండగను దీపావళి ముగిసిన రెండ్రోజులకు సోదరుడు సోదరి ఇంటికి వెళ్లి భోజనం చేసి ఆమెకు కానుకలు ఇచ్చి ఆశీర్వదిస్తే వాళ్ళకి ఆయురారోగ్యాలతో పాటుగా ఐశ్వర్యం కూడా కలుగుతాయని పురాణాలు చెబుతున్నాయి.ఈ పండగ యొక్క విశిష్టత ఏంటంటే అన్న, చెల్లెళ్ల మధ్య అనురాగం ఎప్పటికి అలానే ఉండాలని తన సోదరులు బాగుండాలని,వారికి దీర్ఘాయువు కలగాలని సోదరి పూజ చేసి ఆ రోజున తన సోదరులకు భోజనం పెడుతుంది సోదరి.దీపావళి ముగిసిన రెండో రోజు అంటే కార్తీకమాసంలోని శుక్లపక్షం రెండవ రోజున అన్నాచెల్లెళ్ల అనుబంధానికి ప్రతీకగా ఈ పండుగ జరుపుకుంటారు. ఈసంవత్సవరం సూర్య గ్రహణం కారణంగా భగిని హస్తభోజనం దీపావళి అయిన మూడో రోజు అంటే అక్టోబర్ 26వ తేది మధ్యాహ్నం 2.42గంటల నుంచి మరుసటి రోజు అనగా 27వ తేది మధ్యాహ్నం 12.42గంటల మధ్య కాలం వరకు ఉంది.ఈ భగిని హస్త భోజనంకు ఉన్న మరొక కధ ఏంటంటే..అన్నా చెల్లెల పండగ రోజున మృత్యుదేవత యముడు తన సోదరి యమున వద్దకు వెళ్లి ఆమె చేతితో తయారు చేసిన ఆహారాన్ని తీసుకుంటాడని నమ్మకం. అందుకే ఈ పండుగను జరుపుకుంటారు.
భగిని హస్తభోజనం పండగ ఎలా చేయాలంటే..?
సూర్యస్తమయంలోపే నిద్రలేచి తలస్నానం చేసి, ఇల్లు శుభ్రం చేసుకుని,దేవుడికి పూజ చేసి సోదరుడ్ని ఇంటికి పిలిచి హారతి ఇవ్వాలి. ఆ తరువాత సోదరులకు ఇష్టం అయిన భోజనాన్ని తయారుచేసి స్వయంగా సోదరి చేతులతో సోదరులకు వడ్డించి వాళ్ళ ఆశీర్వాదం తీసుకోవాలి.ఇలా సోదరి చేతి భోజనం తినడం వలన సోదరుల ఆయుష్షు పెరుగుతుందని నమ్మకం.. అలాగే భగిని హస్తభోజనం చేసిన తర్వాత సోదరులు తమ అక్క, చెల్లెళ్లకునూతన వస్త్రాలు, లేదంటే కానుకలు ఇస్తే మంచిదని పెద్దలు చెబుతుంటారు.