టాలీవుడ్ ఇండస్ట్రీలో పవర్ స్టార్ పవన్ కళ్యాణ్ కి నిర్మాత కమెడియన్ బండ్లగణేష్ వీరాభిమాని అని అందరికీ తెలుసు. బహిరంగ సినిమా వేదికలపై పవన్ కళ్యాణ్ కి నేను భక్తుడను ఆయన మా దేవుడు అంటూ బండ్ల కూడా కామెంట్లు చేసిన సందర్భాలు ఉన్నాయి. ఇంతటి అభిమానం ఉన్న నేపథ్యంలో పవన్ ని ఎవరు ఏమన్నా గాని బండ్ల గణేష్ భారీ స్థాయిలో మీడియా ముందు రియాక్ట్ అయిన సందర్భాలు కోకొల్లలు.
ఇదిలా ఉండగా ఇటీవల జిహెచ్ఎంసి ఎన్నికల నేపథ్యంలో ఓ ప్రముఖ టీవీ ఛానల్ కు ఇచ్చిన ఇంటర్వ్యూలో నటుడు ప్రకాష్ రాజ్ పవన్ ని ఉద్దేశించి ఊసరవెల్లి అంటూ చేసిన కామెంట్లు రాజకీయాలలో అదేవిధంగా అభిమానులలో పెద్ద అగ్గి రాజేసింది. ఎలక్షన్ దాకా చాలా సైలెంట్ అయినా బండ్ల గణేష్ తాజాగా ప్రకాష్ రాజ్ వ్యాఖ్యలను ఖండిస్తూ తీవ్రస్థాయిలో ట్విట్టర్ లో ఫైర్ అయ్యారు. ఎన్నికల నేపథ్యంలో మొన్నటి వరకు సైలెంట్ గా ఉండి పోయాం అని గణేష్ అన్నారు.
పవన్ కళ్యాణ్ మహోన్నతమైన వ్యక్తి రాజకీయాలు ఎవరైనా చేసుకోవచ్చు, మాట్లాడుకోవచ్చు. వ్యక్తిత్వం గురించి పవన్ కళ్యాణ్ గురించి వేరే గా మాట్లాడితే నేను సహించను. ఎందుకంటే పవన్ నా దృష్టిలో దైవంతో సమానం అని పేర్కొన్నారు. ఇండస్ట్రీలో కొత్తవారిని ఎంతోమందిని పరిచయం చేసిన ఘనత పవన్ కళ్యాణ్ ది అని తెలిపారు. నిజాయితీకి నిలువుటద్దం పవన్ కళ్యాణ్. నాకు కృతజ్ఞత అనేది నా రక్తంలో ఉంది. నేను ఈరోజు అనుభవిస్తున్న ఈ స్థాయి నాకు పవన్ కళ్యాణ్ పెట్టిన భిక్ష అని బండ్ల గణేష్ వరుస ట్వీట్లతో చెలరేగారు. ఎలాంటి రాజకీయ పార్టీలతో సంబంధం లేదు. కానీ నా అభిమాన నటుడు ఇష్టమైన వ్యక్తి పవన్ కళ్యాణ్ ని ఎవరు ఏమన్నా ఊరుకోను అన్నట్టుగా బండ్ల గణేష్ ట్విటర్లో ప్రకాష్ రాజ్ పై సంచలన వ్యాఖ్యలు చేశారు.