Big Boss 5: తెలుగు బుల్లితెరలో భారీ హిట్ అయిన బిగ్ బాస్ ఐదో సీజన్ త్వరలోనే మొదలు కానుంది. ఇప్పటికే హోస్ట్ స్థానంలో నాగార్జున బదులుగా దగ్గుబాటి రానా కన్ఫర్మ్ అయ్యాడని వార్తలు వస్తున్నాయి.’స్టార్ మా’ వారు రెండు సీజన్లు నాగార్జున ను హోస్ట్ గా కొనసాగించిన విషయం తెలిసిందే.
అయితే ఇప్పుడు రానా దగ్గుబాటి తో కొద్దిగా ప్రేక్షకులకు కొత్త అనుభూతిని తెచ్చేందుకు ప్రయత్నిస్తున్నట్లు అర్థమవుతోంది. ఇకపోతే ఎటువంటి ఆటంకాలు లేకుండా ఐదవ సీజన్ కూడా సెప్టెంబర్ లో మొదలు పెట్టే లాగా సన్నాహాలు చేస్తున్నారట. ఇదే వరుసలో కొంతమంది సెలబ్రెటీలను ‘స్టార్ మా’ యాజమాన్యం కాంటాక్ట్ అయ్యారన్న వార్తలు వస్తున్నాయి.
వారిలో కొన్ని పేర్లు బయటకు వచ్చాయి. ప్రస్తుతం తెలుగు యూట్యూబ్ సెన్సేషన్ షణ్ముఖ్ జస్వంత్ బిగ్ బాస్ హౌస్ లోకి అడుగు పెట్టే అవకాశాలు ఉన్నాయట. ‘సాఫ్ట్వేర్ డెవలవ్పర్’, ‘సూర్య’ వెబ్ సిరీస్ లతో షణ్ముఖ్ బాహా ఫేమస్ అయ్యాడు. అలాగే టిక్ టాక్ దుర్గారావు, కమెడియన్ ప్రవీణ్ కూడా ఈ లిస్టులో ఉన్నారని చెబుతున్నారు.
జబర్దస్త్ నుండి వర్ష రావచ్చని అంటున్నారు కానీ జబర్దస్త్ నుండి బయటకు వచ్చాక అవినాష్ పరిస్థితి ఏమైందో చూస్తే జబర్దస్త్ ఆర్టిస్ట్లు ఎవరు అంత ధైర్యం చేయకపోవచ్చు. ఈ మధ్య వివాదాస్పద కేసులో చిక్కుకున్న ఫన్ బకెట్ భార్గవ్ తోపాటు టిక్ టాక్ స్టార్ భాను బిగ్బాస్ ఇంట్లోకి వచ్చే అవకాశం ఉందని అంటున్నారు.
అలాగే ప్రముఖ సినీ నటీమణులు సురేఖ వాణి, ప్రియ, సోషల్ మీడియా స్టార్ వరంగల్ వందన ఇంట్లోకి వచ్చే అవకాశం ఉందని చెబుతున్నారు. న్యూస్ యాంకర్ ప్రత్యూష డిజిటల్ మీడియా రంగం నుండి, అలాగే యాంకర్ వర్షిని సౌందరాజన్ గ్లామర్ ఒలకబోసేందుకు ఇంట్లోకి వస్తారట.
