మెగా పవర్ స్టార్ రాం చరణ్ ని సిల్వర్ స్క్రీన్ కి హీరోగా పరిచయం చేసింది డేరింగ్ అండ్ డాషింగ్ డైరెక్టర్ పూరి జగన్నాధ్. పక్కా కమర్షియల్ హీరోగా లాంచ్ అయిన చరణ్ మొదటి సినిమాతోనే మంచి హిట్ అందుకున్నాడు. మెగాస్టార్.. పూరి మీద నమ్మకం పెట్టుకొని చరణ్ ని హీరోగా నిలబెట్టే బాధ్యతని అప్పగించినందుకు మంచి హిట్ ఇచ్చి మెగాస్టార్ నమ్మకాన్ని నిలబెట్టుకున్నాడు పూరి. ఆ తర్వాత మళ్ళీ ఎన్నో సార్లు పూరి జగన్నాధ్ – రాం చరణ్ ల కాంబినేషన్ లో సినిమా ఉంటుందని వార్తలు వచ్చినప్పటికి ఎందుకనో ఈ ఇద్దరి కాంబినేషన్ లో సినిమా రాలేదు.
ఇక ఈ సినిమా తర్వాత రాం చరణ్.. ఎస్ ఎస్ రాజమౌళి దర్శకత్వంలో మగధీర సినిమా చేశాడు. గీతా ఆర్ట్స్ బ్యానర్ పై అల్లు అరవింద్ నిర్మించిన ఈ సినిమా భారీ హిట్ ని సొంతం చేసుకుంది. అంతేకాదు ఇండస్ట్రీ హిట్ అందుకున్న సినిమాగా రికార్డ్ క్రియోట్ చేసింది. కాగా ప్రస్తుతం రాం చరణ్ – ఎన్.టి.ఆర్ కాంబినేషన్ లో భారీ మల్టీస్టారర్ గా ఆర్ ఆర్ ఆర్ తెరకెక్కుతోంది. డీవీవీ దానయ్య దాదాపు 400 కోట్ల భారీ బడ్జెట్ తో ఈ సినిమాని నిర్మిస్తున్నాడు. మన్యం వీరుడు అల్లూరి సీతారామరాజుగా రాం చరణ్ నటిస్తుండగా కొమరం భీం గా ఎన్.టి.ఆర్ నటిస్తున్నాడు.
కాగా ఫిబ్రవరి లేదా మార్చ్ వరకు ఆర్ ఆర్ ఆర్ షూటింగ్ కంప్లీట్ అవుతుందని అంటున్నారు. ఈ క్రమంలో ఎన్.టి.ఆర్ తన నెక్స్ట్ సినిమాని మాటల మాంత్రీకుడు త్రివిక్రం శ్రీనివాస్ దర్శకత్వంలో చేయబోతున్నాడు. అలాగే మరికొన్ని ప్రాజెక్ట్స్ ని లైన్ లో పెట్టుకున్నాడు. కాని చరణ్ మాత్రం ఆర్ ఆర్ ఆర్ తర్వాత ఏ దర్శకుడితో సినిమా చేయబోతున్నాడో క్లారిటీ లేదు. అయితే కొరటాల శివ – మెగాస్టార్ చిరంజీవి కాంబినేషన్ లో తెరకెక్కుతున్న ఆచార్య లో మాత్రం కీలక పాత్ర పోషిస్తున్నాడు.
కాగా తాజా సమాచారం ప్రకారం చరణ్ తన నెక్స్ట్ సినిమాని పూరి జగన్నాధ్ తో చేస్తాడన్న మాట వినిపిస్తోంది. ప్రస్తుతం పూరి జగన్నధ్.. విజయ్ దేవరకొండ హీరోగా ఫైటర్ అన్న వర్కింగ్ టైటిల్ తో ఒక పాన్ ఇండియన్ సినిమా చేస్తున్నాడు. ఈ సినిమా కంప్లీటయ్యాక చరణ్ తో సినిమా ప్లాన్ చేస్తున్నట్టు తెలుస్తోంది. అంతేకాదు ఈ సినిమా యూనివర్సల్ పాయింట్ తో పాన్ ఇండియన్ రేంజ్ లో ఉండబోతోందని సమాచారం. చూడాలి మరి ఈ సినిమా కి సంబధించిన అఫీషియల్ న్యూస్ ఎప్పుడు వస్తుందో.