RRR: ఆర్ఆర్ఆర్ RRR ‘మాహిష్మతీ.. ఊపిరి బిగపట్టుకో.. నా కొడుకొచ్చాడు..’ అని బాహుబలి సినిమాలోని డైలాగ్. అక్కడ మాహిష్మతి గురించి పక్కనపెడితే.. ఆ డైలాగ్.. ఆ సీన్ తో ధియేటర్లో సినిమా చూస్తున్న ప్రేక్షకులు మాత్రం సీట్లలో అతుక్కుపోయారు.. ఊపిరి బిగపట్టి చూశారు.. సినిమాకు భారీ విజయాన్ని అందించారు. రాజమౌళి చేసిన మ్యాజిక్ కు దేశం మొత్తం ఇదే పరిస్థితి. ఇప్పుడు అదే రాజమౌళి.. అదే బాహుబలి తర్వాత చేస్తున్న సినిమా ‘ఆర్ఆర్ఆర్’. ఇప్పుడీ సినిమాపై కూడా దేశం మొత్తం అవే అంచనాలు. సినిమా ప్రారంభమై రెండేళ్లైనా కరోనా కారణంతో షూటింగ్, సినిమా విడుదల ఆలస్యమయ్యాయి. ఇప్పుడు ఆఖరి షెడ్యూల్ షూటింగ్ జరుగుతోంది. ఇప్పుడీ సినిమాపై ఊపిరి బిగపట్టించే అప్డేట్ ఇచ్చింది చిత్ర యూనిట్.
‘ROAR OF RRR’ అంటూ మేకింగ్ వీడియో రిలీజ్ చేస్తున్నట్టు ప్రకటించింది. జూలై 15వ తేదీన ఉదయం 11 గంటలకు ఈ వీడియోను రీలీజ్ చేస్తున్నట్టు అఫిషియల్ గా ప్రకటించింది. ఈమేరకు సోషల్ మీడియా ద్వారా వివరాలు వెల్లడించింది. దీంతోపాటు సినిమాకు సంబంధించిన భారీ సెట్ ను బ్యాక్ డ్రాప్ లో చూపిస్తున్నారు. మేకింగ్ వీడియో కాబట్టి ఈ పిక్ లో క్రేన్లు, బ్లాక్, బ్లూ స్క్రీన్లు ఉన్నాయి. బ్రిటషర్ల కోటను తలపిస్తున్న ఈ సెట్ ను చూసి నెటిజన్లు ఫిదా అయిపోతున్నారు. రామ్ చరణ్, ఎన్టీఆర్ ఫ్యాన్స్ హంగామా అయితే సోషల్ మీడియాలో మొదలైపోయింది. జూలై 15 వరకూ ఆగడం కష్టం.. అంటూ కామెంట్లు కూడా చేస్తున్నారు.
Read More: RRR: RRR సినిమాలో రాజమౌళి మార్క్ స్పెషల్ ఫైట్ సీన్..??
దేశవ్యాప్తంగా భారీ క్రేజ్ దక్కించుకున్న ఆర్ఆర్ఆర్ పై అంచనాలు పెరిగిపోతూనే ఉన్నాయి. రామ్ చరణ్, ఎన్టీఆర్ లుక్స్, స్టిల్స్, మోషన్ టీజర్స్ అన్నీ సినిమాపై అంచనాలు పెంచేస్తున్నాయి. ఇప్పుడు మేకింగ్ వీడియోతో ఆ హైప్ ను ఆకాశమంత ఎత్తులో నిలబెడతారని చెప్పాలి. రెండు పాటలు మినహా సినిమా షూటింగ్ మొత్తం పూర్తైందని ఇటివలే వార్తలు వచ్చాయి. సినిమా విడుదల తేదీని గతంలోనే ప్రకటించారు. సినిమా బిజినెస్ కూడా భారీ ఎత్తున జరిగింది. అజయ్ దేవ్ గన్, అలియా భట్, ఒలివియా మోరిస్, శ్రియ, సముద్రఖని.. తదితరులు నటిస్తున్నారు.
